香港文匯報訊 現年42歲的車婉婉昨日報喜，宣佈上月28日順利誕下混血B仔，B仔更重8磅9安士，母子平安！恭喜恭喜！婉婉透露雖然BB的身體好長，但她最後還是選擇了順產形式，現已返家休息，感謝各界的關心。
車婉婉昨日表示：「大家好，我係婉婉，好多謝大家一直都支持我啦，同埋關心我，同埋大家每次都好正能量地送上你哋嘅祝福啦，終於囝囝BBQ喺3月28日出咗世喇，佢身體好長，有8磅9安士，最後我係選擇了自然分娩嘅，係一個非常之艱巨嘅過程，亦都令我非常尊敬各位媽媽，我哋母子平安，依家返咗屋企，好想多謝醫護人員對我們的照顧，同埋我哋朋友，親友，佢哋一路咁愛錫我啦，同埋我啲支持者，佢哋喺唔同層面渠道上面發很多訊息，好關心我呀，話畀我聽要食咩嘢，或者點樣好啲，我繼續都好需要大家支持嘅，因為我自己係一個新手媽媽啦，好多嘅提點大家都可以繼續喺各方面畀我，多謝大家，多謝大家嘅祝福！」