■游蕙禎住所金樂大廈外貌。網上圖片游蕙禎清晨香閨被捕 梁頌恆赤腳匿天台演「偷情逃窗」
「青症雙邪」游蕙禎同梁頌恆前日被警方拘捕，今日提堂，但網民最關注嘅，似乎已經唔係游梁二人嘅官司結果，而係佢哋點解會一大早就喺同一棟大廈、一齊俾警方拉。唔少人都仲記得，梁頌恆有個拍拖幾年嘅女朋友，但佢嗰朝晨早就同游蕙禎喺同一棟大廈裡面，仲疑似喺游蕙禎屋企赤腳行上天台「避風頭」，令人覺得「呢件事相當有嫌疑」。有網民就「神回覆」道︰「咁似偷情橋段。」「一齊拉咪一齊囉，洗（使）唔洗（使）鬼拍後尾枕咁，好似比（俾）人捉姦逃窗咁？」■記者 甘瑜
關於游蕙禎朝早7時喺屋企俾警察拉，半個鐘後梁頌恆喺同一棟大廈被發現赤腳行上天台，同樣俾人拉埋，由facebook到各大媒體留言位到網上討論區，都有唔少網民喺度熱議分析，大家都好好奇，「點解佢哋會喺朝早出現喺同一座大廈」，紛紛質疑兩人其實已經有路。
網民「狄加度」直接話︰「咁似偷情橋段。」「迷鐵香」就話︰「一齊拉咪一齊囉，洗（使）唔洗（使）鬼拍後尾枕咁，好似比（俾）人捉姦逃窗咁？」「Po Tai」笑言︰「警察來到，撞破好事咪赤腳走咯（囉）。」不過，亦有網民以「天真mode」解讀事件。「Roy Rambler Poindexter」話︰「要一齊住，成員之間嘅關係先深厚，從而合作無間，對嗎？」
對於有「青症」支持者質疑點解唔去關注政治人物政治相關嘅新聞，網民就反駁，「Mac Ho」一針見血話︰「佢地（哋）既（嘅）花邊新聞價值比起佢地（哋）政績政見又真係無得比既（嘅）。」「鄭榮枝」就質問︰「男未婚，女未嫁！有乜問題，真系（係）多×如（餘）......」「Mac Ho」再回覆揶揄道︰「 巴生（梁頌恆）好似有女朋友......不過又有咩所謂，扑左（咗）先算。」
蕭若元「重組案情」抽水
就連「謎米香港」創辦人蕭若元都加入競猜，話游梁兩人出雙入對，梁頌恆本來有女朋友，相信佢哋係「患難見真情」，𠵱家已經係情人。
他還推算，兩人地址唔同，本來警方應該分別去兩個地方拉人。對於發生梁頌恆赤腳逃走天台事件，他笑言只有一個解釋，就係兩人喺警察拍門時已察覺到，游蕙禎覺得自己走唔甩，於是出嚟「擋子彈」，梁頌恆就先匿埋，可能喺又臭又焗嘅垃圾房或電機房，點知半小時就頂唔順，落樓又怕俾警察拉，所以上天台唞氣，點知都俾警察拉埋。
「波皮黨」心酸「女神」被食
花生友當然推測得盡興，有網民就戥一直默默將游蕙禎當做「女神」嘅「波皮黨」心酸。「新痕結衣」就話︰「波皮黨好可憐呀。個（嗰）個男人就正，玩到上天台，點解唔匿埋喺衣櫃？」「辛浩仁」激動到打錯字謂︰「在天台找巴治奧（梁頌恆）！你老×！食左（咗）我喺（嘅）游bb！」
正當「Peter Chan」認為，今次「天台事件」會令游蕙禎連「荷爾蒙票都無埋。」游蕙禎嘅頭號支持者、「狗頭軍師」林浩基堅定不移道︰「係（喺）同一單位只搵到一個人，完。」之後仲喺自己fb轉發游蕙禎最新貼出嘅相𠻹。