■子華希望不再做票房毒藥。香港文匯報訊（記者 梁靜儀）黃子華、佘詩曼、鄧月平、張松枝、林雪及鄧兆尊等昨晚出席電影《棟篤特工》煞科宴，台上又開香檳慶祝。
子華表示眨下眼兩個月就拍完，又稱今次碌盡人情牌，想趁這次正式多謝大家：「原本呢套戲需要兩個巨星，但最後嚟多咗十倍，感謝佢哋嚟拯救我唔使再做票房毒藥，好有愛心，好似養寵物咁樣對我。」問到可有因此超出預算？子華感謝有些朋友連利是都不收。問到可介意被封票房毒藥？他笑說：「唔介意，我係現實嘅人，呢個對我嚟講反而幾舒服，但希望呢部唔好啦，因大家都落咗好多苦功，有好多朋友支持，阿佘亦破格演出。」
阿佘透露片中有好幾個造型，當中一個要醜化。子華就指並非很醜，只是大家未見過阿佘這種造型，是另一個阿佘。問到阿佘是否為幫子華搣甩票房毒藥稱號而只此一次醜化演出？阿佘表示其實都可愛的。子華笑說：「係搣甩原本嘅阿佘，佢可塑性好高。」提到片中鄧月平解他的皮帶一幕？他笑指見對方已很努力亦很搏命，條皮帶的確很難解。問到女方可有無觸碰到「小子華」？他笑說：「我諗我已過咗呢個階段。」阿佘又大爆片中會穿上「斗零踭」狂踩「小子華」，子華自言已做好保護措施。
林雪現身中氣十足
張松枝為FOX網劇《心冤》和新片《無雙》留鬚，他表示電影《無雙》已開工，戲中與偶像周潤發有很多對手戲。另問到在片場可見城城一臉風騷？他表示上次對稿時已恭喜了對方，恭喜哪一樣？做爸爸？他笑說：「恭喜、恭喜囉！我哋好曖昧。（有無問吓你，畀意見改名？）冇。」他又指城城在片場很專業，並無甜蜜傾電話。
早前拍戲暈倒的林雪，被問到現時健康狀況時，他中氣十足說：「無問題，OK！醫生話我懶（做運動）而已。」