■蟲泰的擦鞋說話被回帶恥笑狗主。 fb圖片黎明金句，所謂手心係肉，手背又係肉，狗主同「熱狗」鬧得不可開交。身為「熱狗」主席的立法會議員蟲泰（鄭松泰）去咗邊？睇返佢喺呢次事件中，屁都冇放過一個喎！專門狙擊「熱普城」的fb專頁「芒向報」，近日就重發蟲泰在立法會選舉時話過，狗主係佢「啟蒙導師」嚟恥笑吽C
狗主與「熱狗」近日鬥得不可開交，「芒向報」就發帖，回帶蟲泰去年8月講過的說話：「『全民制憲運動』能夠推動到今日呢個地步，係因為有『熱血時報』呢個新媒體、有陳雲嘅『城邦論』、有黃毓民嘅『政治能量』及『江湖地位』。如果你有少少分析能力，你就應該知道要推動呢個運動，冇黃毓民係唔會成事！『全民制憲』唔單止係黃毓民嘅心願，更加係香港嘅最後機會。」
網民揶揄道：「選舉前屎蟲泰表示『黃毓民係我哋啟蒙導師』，雙黃分裂至今，屎蟲泰未為『啟蒙導師』出過一句聲。」更標註了「人走茶涼」、「（黃毓民）只係幫過我嘅契弟」等等。 ■香港文匯報記者 羅旦