身為花生友，睇住「熱城」搞「清算」，其實真係幾好笑。近日，「熱城」正在追咬「狗主」（黃毓民），結果有人發現曾代表「熱狗」、夥拍「四眼哥哥」（鄭錦滿）參加立法會選舉的鍾琬媛（Bonix），竟然Like咗「狗主」個網台節目，結果就被「自己人」批評是試圖左右逢源，又批評佢做嘢唔掂，打卡呃Like就落力喎。
正當「熱城」追打「狗主」之際，親「熱狗」的fb專頁「廢除雙重國籍行動」發帖，上載了一幅顯示鍾琬媛Like了「狗主」網台節目的截圖，並發文揶揄道：「鐘（鍾）小姐，你去埋賤種果（嗰）邊啦。唔好忍，對身體唔好。」
被批圖左右逢源向錢看
「Cole Joe」自詡「先知」，留言稱：「本性係兩頭蛇唔想係（喺）風眼位俾人打壓梗係係扮『抗爭』個邊（嗰）喇。條女係建築師黎（嚟）啊，如果佢仲痴（黐）『熱時』同『國師』咪可能工都冇得做，呢D（啲）咪左右逢源囉！之前『狗主』同個（嗰）5隻『北姑』合照條bonix（鍾琬媛）都有like架（㗎），之前講過不過大家都話睇定D（啲）先下決定。」
他又為「熱狗」當年安排鍾琬媛夥拍「四眼」在港島區參選「解釋」：「搵佢出黎（嚟）選我諗目的係吸引港島個（嗰）邊既（嘅）人啫......佢慢慢會好似臭× Bi（被指撐『青症』的『鍵盤戰線』發言人鄺頌晴）一樣架（㗎）喇，以為自己係明星。其實佢都似『狗主』架（㗎），滿身泥濘既（嘅）野（嘢）唔做唔掂既（嘅），打卡呃like既（嘅）就落力做去曝光。」
不少「熱城」支持者跟機。「Jane Checketts」：「一向都覺得她水平平平，雖然咁多人捧佢。」「Quattro Vageena」就以「熱狗」此前用來讚揚鍾琬媛「美貌」的用語來揶揄對方：「零死角女神？個死角你未發現啫，家下（吓）咪現形囉。」「Ken Chan」則稱：「政圈中人，越靚越要小心，仲要係乾淨斯文讀書人再加KongU（港大）畢業專業人士......」
「四眼哥哥」晒食飯照護花
唔知係贈慶抑或巧合，「四眼」其後在自己的fb上載他與鍾琬媛一起吃飯的合照，更發文稱「與女神撐枱腳，賞心樂事呀」。網民「Chiu Bryant」就留言挑機：「喂（鍾琬媛），死返去『榮主』（黃毓民）『墮駒』（仇思達）度喇！」當然，嗰度係「四眼」主場，所以很快就被滅聲了。 ■香港文匯報記者 羅旦
