「香港眾志」等人「提早示威」，用黑布遮蓋金紫荊花雕塑，網上可謂「一致劣評」。不少網民嘲「眾志」所為「小學雞」，有人「教路」稱他們應該淋黑油而非蓋黑布，即時有人踢爆，「眾志」等人只是做戲，爭曝光率以便「收錢」，又點會冒咁大風險？
網民「Tony Tsang」在網上留言時，質疑「眾志」等人蒙黑布的做法：「傻的嗎，黑油先清唔到架（㗎）嘛！」「Real Chan」即時點破：「佢先唔傻，黑油佢坐硬監都得，而（𠵱）家拍拍籮柚又俾人知做左（咗）野（嘢）啦！」「Peter Wong」也稱：「問過李柱銘，淋油要坐監，黑布冇得拉。」
「Tak Lee」揶揄道：「哈哈哈，呢啲叫『貪心怕死』囉，黑布罪名濕濕碎，潑黑油，用搥（鎚）打擊等一定唔敢做囉......」「Michael Lws」則直指：「耐冇見報，搵啲野（嘢）嚟抽水見報唓（啫），成班白痴仔行為。」
「Danny Wong」就估計，「呢班連小學生都不如的傻雞，行為如此稚智（幼稚），只是向金主交代攞錢使而己（已）！」「莫子名」則說：「71（七一）前做D（啲）嘢！到71（七一）攞個捐款箱『遊行』咪多D（啲）傻仔捐錢囉！」 ■香港文匯報記者 鄭治祖