■傻根發帖稱事件令人不安，指「本土」人拍照出賣同道，「令人恥辱和心寒」。 fb截圖「香港民族黨」召集人陳浩天，吹雞搞集會結果自己搭的士走先，被「熱城」支持者恥笑。被指失立法會議席後失勢、想黐返埋「本土青政狗」搵靈童博翻生的「狗主」黃毓民，就大鬧係因為「熱狗前頭目」狗達（黃洋達），同「青城派國師」傻根（陳云根）等人「打壓『港獨』」喎。「熱城」支持者就揶揄，冇理由陳浩天搭的士走人都關佢哋事啩？有人揶揄「狗主」退出政壇，當日又唔幫陳浩天吹雞，咁又算唔算「打壓『港獨』，出賣『本土派』」喎。
所謂「利窮則散」。「熱普城」因選舉失利而解散，然後雙方你咬我，我咬你，花生食唔完。「狗主」近日在其網台又向「熱城」發炮，稱「建制派要將『港獨』、『自決』消失於萌芽狀態。未來『本土運動』更艱巨。......唔代表『本土運動』因為黃毓民退出政壇，又或者陳雲、黃洋達之流×你老尾出賣『本土運動』，幫手打壓『港獨』，個『本土運動』就玩完。」
「熱城」支持者「Joe Chan」就發帖道：「上年『民族黨』『本民』『青政』搞壇嘢自己冇申請冇影累咗幾個人被捕；今次民族黨自己搞申請唔到搞唔成，好一班唔知咩人被記錄個人資料，咁又賴陳雲黃洋達？」
「陳雲定黃洋達叫佢上的士？」
「Max Hui」也揶揄：「陳浩天既（嘅）『的士革命』，梁游既（嘅）『神秘行動』，原來係因為黃洋達同陳雲既（嘅）打壓而失敗架（㗎）！？」「Gum Chan」則稱：「陳雲定黃洋達叫陳浩天上的士走呀？」
「藍鳳凰」向狗主發炮：「即係陳浩天搞集會見差佬多，於是飛的着草，然後集會得百幾人，係陳雲出賣？而本民青政俾黃洋達篤爆佢地（哋）嘅『秘密行動』係『假裝行動』，只係想等素人做嘢自己領功之後，所謂『秘密行動』連影都冇，係黃洋達打壓？......呢啲（狗主）真係正宗老屎忽，將所有後生仔嘅錯誤，全部推哂（晒）俾（畀）人，縱容呢啲後生仔壞事，唔怪得搞咁耐政治都一事無成啦！」
「趙雲」也稱，「原來陳雲同黃洋達退出社運，就係出賣本土運動。咁不如話你退出政壇係賣港賊。」「葉政淳」更發帖恥笑「狗主」，「黃毓民當晚點解唔幫陳浩天吹雞，吹返一二千人撐場？算唔算打壓『港獨』，出賣『本土派』？」
「清算」得咁熱鬧，又點可以冇傻根份？佢在fb發帖話「我們發現出賣『本土運動』的，裡面全部是香港本土人，土生土長的香港仔女，......篤灰、出賣、背叛，為了幾個臭錢出賣同道和出賣一地的前程，這些事，大陸（內地）人也做不出來，香港人就樂意為之。......香港示威集會，竟然有『本土』人拍照給警察作證據，香港是個令人恥辱和心寒的地方。」
諷「狗主」見鬼講鬼話
他更乘機舊事重提，話「狗主」當年仍在「人民力量」之時，就鬧過像他一樣反「雙非」的人是「法西斯」。有「熱城」支持者即回帶，在立法會2011年4月13日會議上，「狗主」的確點名傻根，話類似的爭論已令社會撕裂。「藍鳳凰」揶揄：「咁佢（「狗主」）之前鬧陳雲黃洋達又話自己一路走來始終如一？一個政治人物轉變立場好大件事，係要有一套合理嘅說法。唔可以見人就講人話，見鬼就講鬼話，否則完全係背叛選民。」
咦，既然「熱城」同「普」原來咁多分歧，咁當初你班友又搞「聯盟」？講到底，都係為利益而結合，現在冇利益咯，咪話你當初如何如何囉！ ■香港文匯報記者 羅旦
