■陳大文網上發帖袒護Cheap禎。 fb截圖「青症雙邪」中的Cheap禎（游蕙禎）的「床照」曝光後備受批評，有「獨派」中人就為之辯護，話「當閣下不斷拿一個已失去議員資格的妹妹仔之日常（生活）作為熱點議論話題，反映閣下心靈很虛弱」云云。有「熱城」支持者揶揄，Cheap禎已經廿幾歲人，「仲係妹妹仔？」佢近期頻頻蒲頭，一係為立法會補選做工夫，一係諗住昆水魚繼續科水，當然要揭穿佢真面目咁話。
自稱「網絡作家」、又話支持「狗主」（黃毓民）、又話支持「城邦派國師」傻根（陳云根）嘅陳大文，因為唔支持「清算」最近成為「被清算」對象。在Cheap禎住大屋的照片在網絡曝光、被「熱城」支持者追住來咬時，佢發帖稱：「我想指出的是，當閣下不斷拿一個已失去議員資格的妹妹仔之日常（生活）作為熱點議論話題，反映閣下心靈很虛弱，虛弱到沒有其他較有意義的話題可談，只能在一個妹妹仔簡單的照片上打轉。」
「趙雲」發帖數臭Cheap禎
「趙雲」就發帖數臭Cheap禎，話信佢嗰班先係無知：「咁就等我同你回吓帶佢係咩人：兩年前初出現時，佢自稱雨傘『佔領』者，但無人見過佢。......組成青政後，又想自己本土，又想埋泛民堆。泛民唔蘇（show）佢，又變返本土。......到『自決』一詞出現，又變『自決派』，香港眾志玩十年後自決，佢就五年『自決』。......參加選舉時，青政不支持香港獨立，但梁天琦被DQ，梁游為食『本民前』條水『以個人名義支持港獨』。」
「傻根」話「陳大文」係「港獨人格示範體」
「傻根」則加把嘴揶揄，話「陳大文」係「港獨派的人格示範體」喎。「Ken Chan」就抽埋「狗主」水：「游蕙禎及青年新政的政治立場如此飄忽，轉軚欠解釋，好有過氣政客黃毓民的影子。」
其實呢個戰場唔止集中喺Cheap禎身上，「陳大文」此前被「熱城」支持者「藍鳳凰」批評，就話自己幾年前已支持傻根的《城邦論》，現在因「低調撐毓民」而「被清算」，又寸嘴回應形容話「傻根」身邊人「清算」係「喜訊」，「即係代表你智力超乎正常」咁話，目前嘅情況係「陳雲誤信玩清算，他的支持者也大多是很低成本的網絡聚眾，爛鳳蝗成功哄騙虛弱的陳雲，形成了清算陣營」，結果又爆發網絡罵戰。
「傻根」就在「陳大文」處留言，稱「本土陣營得罪中美，也得罪本地財閥，賺不到錢的，趁著（着）仍有人收買，就出賣吧。留在本土，有辱無榮，要走就趁早。......至於大文兄要掉轉槍頭攻擊我，我也沒所謂，多你一個陳雲hater而已。」
戰線愈來愈大，唔通「熱城」仍然記住狗主嗰套，「四面樹敵，八面威風」？ ■香港文匯報記者 羅旦