■吳千語為歌手周殷廷新歌MV擔任女主角。香港文匯報訊（記者 梁靜儀）吳千語昨日在觀塘為歌手周殷廷新歌MV擔任女主角，二人以全黑打扮現身，周殷廷表示新歌未諗到歌名，但就定了在今個月底出，新歌由同公司的Aga作曲、林夕填詞，創作歌曲的時候已經構思成個故仔，是講一個保鏢同女客戶身份懸殊的愛情故事。
問到周殷廷為何找千語演出？他說：「有次排舞，馬天佑帶咗千語來，之後馬天佑生日會又見到，慢慢開始熟絡，因為千語本身個感覺就係一個備受保護的女仔，所以一諗到個故事就諗到佢。」問到邀請千語有無問過男友林峯？他笑話：「真係冇問喎，我唔識佢。」千語則表示有向男友提過，而對上一次拍MV已是六年前，十六歲時幫陳柏宇。問到為何不做男友MV的女主角？千語笑說：「佢唔請我，佢鍾意鬼妹Model。」
千語表示今次是友情演出，覺得對方很有心，又自己做MV導演。周殷廷笑稱一定要請她食飯，千語就指請食飯一餐都唔夠。問到周殷廷會否加咀戲？他說：「沒有，最關鍵係睇個劇情應唔應該，因為一個保鏢係唔會跨過呢條線，係有少少鐵漢柔情的感覺。」