■警方fb再「靚抽」，回帶「道路安全」，呼籲「安全第一戴頭盔」，獲網民力讚有深度。fb截圖隨着民主黨成員林子健涉嫌報假案導致反對派「大炒車」，警方facebook「香港警察」亦連環抽水，繼早前教市民保留證據、唔好「跟車太貼」後，噚日又教大家「戴好頭盔」，唔少網民瞬間「明白了」，笑言︰「下次搵AV仁（民主黨何俊仁）去拍第二輯，解釋頭盔嘅重要，應該幾有說服力。」
網民秒懂 讚有深度
「香港警察」噚日又推出「道路安全回帶系列」，講到明「安全第一戴頭盔」，令大家即刻諗起近日冇戴頭盔嘅反對派集體炒車「傷亡慘重」。「Eric Choi」附和︰「要威就一定要識帶（戴）頭盔，哈哈哈。」「Bevis Chan」亦欣賞警方幽默感話︰「我真係好鐘（鍾）意道路安全回帶系列，太有深度了。」「Benny Fok」就問︰「道路安全回帶系列#4係咪唔好『頂包』？」■香港文匯報記者 甘瑜