所謂「親者痛仇者快」，「雙學」嘅河童（黃之鋒）、羅三七（羅冠聰）同周永康噚日被判入冊，「熱青城」開心到不得了，不過大粒嘅好似「熱狗」過氣「首領」狗達（黃洋達）、佢老婆殘獸胃（陳秀慧）同埋「城邦派國師」傻根（陳云根）點都要扮吓大體，鬧吓「雙學」班「左膠」係自己攞嚟，其中狗達講嚟講去最後都係叫信眾課金買書，殘獸胃就寸河童5年後都未必有得選。而一班「熱狗」仔就嫌6個月到8個月嘅刑期唔夠喉，又插「左膠」點解喺「熱狗」入冊時就粒聲唔出，??家就喊苦喊忽咁話。
狗達抽水想散貨 被插契弟
狗達噚日喺facebook講呢單嘢時，話啲人??家先至回想「雨傘」（「佔領行動」）失敗嘅後果，之前唔肯承認錯誤，最後就貼咗條link（連結），原來講嚟講去都係想幫《熱血時報》本《雨傘失敗錄》散貨，結果畀（俾）「無敵神駒」仇思達插佢正契弟，急不及待抽水賣書食人血饅頭，真係折墮，「觀乎『熱狗』、『青城派』的反應，竟然一律歡呼喝采（彩）、冷嘲熱諷、落井下石，完全是泯滅人性，禽獸不如！」
講起禽獸點可以唔講殘獸胃呢？佢貓哭老鼠咁話「多一個都太多」，河童更加係最慘，5年內無得選，「5年咩世界唔知」，又翻舊賬話河童曾經講過佢自己輕易就可以做到人哋幾廿歲都做唔到嘅立法會議員，「佢5年後都26歲，又大把後生仔出嚟。」
傻根就話自己「保護年輕人」，提議嘅「社運」都係安全嘅，一收到風就叫人「全線撤退」，佢班??無一個要入冊咁話。不過，傻根有幾何帶班??出去搞事吖，咪又係做鍵盤戰士。
稱判得太輕 無法解氣
講起入冊，「熱狗」都有唔少經驗，好似網名「言某」嘅《熱血時報》編輯楊家倫，就因為參與旺角暴亂而要入冊4年9個月，而佢個fb專頁「墳場新聞」就由其他「熱狗」打理。前日《紐約時報》有文章幫河童三個背書，當中話佢哋係香港「首批政治犯」，「墳場新聞」就出post（帖文）反駁：「『言某』入獄4年9個月，個個隻字不提，扭曲歷史真相混淆視聽。」人哋有外國勢力撐腰佢哋無，係嬲啲嘅。
「ChunTing Fan」就擺明怒插「左膠」，話無見過佢哋因「言某」入冊而感到憤怒、痛心，「然後你們今天又關注又換頭像又憤怒又痛心，都唔緊要。但是，可唔可以咪×講咩『一視同仁』呀、『孤島』呀，『喪鐘』呀，個喪鐘敲到爛×晒啦×你老母！！你估淨係你哋有老母生㗎，『言某』四眼（鄭錦滿）柏洋就無老母生㗎？！」「葉政淳」更覺得佢三個判得太輕，唔足以令佢解氣喎。 ■香港文匯報記者 陳庭佳