■楊岳橋揚言：「今次入獄的13人都因為案底而令人生變得更精彩。」fb圖片公民黨黨魁「戇橋」楊岳橋成日失言已經唔係新鮮事，但日前佢竟然喺評論反東北發展案時話「今次入獄的13人都因為案底而令人生變得更精彩」，就令唔少網民換上樹熊咬葉嘅驚訝表情。民建聯立法會議員何俊賢亦喺facebook出文質問︰「留案底會令人生更加精彩？你精彩一次畀我睇下得唔得？律師點可以講啲咁野（嘢）？你咁做只會令更多年青（輕）人的價值觀被扭曲，都會覺得『我為社會而犯法被留案底是光榮、是精彩』，然而，他們的人生也精彩地被毀了。（你卻到現在，還在拿着你的律師牌做你的議員）」。
何俊賢民記東區支部質問
除咗何俊賢氣憤戇橋亂噏廿四，「民建聯東區支部」亦喺fb製圖畀街坊睇清楚「戇橋」嘅謬論，並加上「大狀叫人衝」、「話有法律支援」、「大狀點樣可以響法律上幫到13位年輕人」、「騙徒手法層出不窮」、「中伏」、「做得領袖就要對得住追隨者」等標籤。
網民「Ron Wong」就怒斥︰「垃圾政棍又推D（啲）爛頭卒去死！」「Eddy LO」更一針見血反駁︰「留案底會令人生更加清袋！一舖(鋪)玩完！」 ■香港文匯報記者 甘瑜