■網民改圖，鬧爆Cheap禎係騙徒。網上圖片係借啲意再乞錢，還是想扮窮唔回水？潛咗水一排嘅「青症雙邪」Cheap禎（游蕙禎）及的士梁（梁頌恆）呢排頻頻上水，又接受傳媒訪問，又走埋佢哋此前口中嘅「左膠」處話要「大團結」，其實搞咁多，相信同個「錢」字有好大關係。Cheap禎昨日聲稱，他們通過眾籌「只」籌得60萬元，部分要支付律師費用，故正向特區終審法院申請將上訴所需的開庭保證金減少至40萬元咁話。不少網民就質疑佢哋又想掠水。
買餸有價講？ 縮數申4案合併
特區終院將於周五處理「雙邪」就DQ案提出的上訴許可申請，其後要支付保證金。由於她及的士梁的案件分別由時任特首的梁振英及律政司提出，故被視為4宗案件，每宗案件要提交40萬元保證金，共需要160萬元。
Cheap禎昨日向傳媒稱，其代表律師建議向法庭申請將4宗案件合併為一宗，將保證金由160萬元降至40萬元，惟她指暫時「眾籌」所得約60多萬元，而部分已用作支付律師費，故即使是40萬元亦未必能負擔云云。
她又聲言有信心上訴許可申請可獲批，特別這是「最後一戰」，過了特區終院後就會成為定局，故「會盡量砌好法律依據，打好呢一場仗」。同時，她此前涉嫌衝擊立法會會議室的案件、被控以非法集結及企圖強行進入罪一案將於12月開審，她就預計會被判入獄。
「眾籌」無底洞 扮窮搲水用
「雙邪」此前講到自己咁「得民心」，點解「眾籌」得咁少錢？佢哋早已喪盡民心就梗嘅啦，但爛船總有三斤釘，班死硬支持者幾十萬都畀唔到？而且兩人租豪宅、去日本、台灣啲錢點嚟嘅呢？難免不少網民都質疑，可能有人「錢唔夠使」，報細想cap多啲，又或者籌返來的款項唔知落咗邊個袋，現在當然想搵多啲啦！有人就質疑佢哋扮窮，唔想還返議員薪金及預支的津貼而「扮窮」啦。
事實上，的士梁此前在接受電視台訪問時，又係呻窮，話自己平常主要留在家中，有時賺賺外快，但收入水平和以前相差很遠，又話自己的積蓄已用得「八八九九十十」，非常「潦倒」，而即使搵工，自己在12月需要面對立法會內非法集結案的審訊，估計要3個星期，未知有沒有公司能接受員工不能現身3星期喎。
咁樣樣，既然賣小強賣得咁辛苦，交咗咁多戲，各位「雙邪」盲粉仲唔速速科水？
另外，的士梁日前與去年參選立法會同一名單第二候選人李東昇一同入稟高院，要求法庭根據《選舉（舞弊及非法行為）條例》寬免他們收支申報書的錯誤，及要求法庭頒令7天內讓他們向選舉事務處提交正確申報書。 ■香港文匯報記者 羅旦