胡穗珊突然辭任工黨主席兼退黨，唔少網民都認為同工黨內部權鬥有關，而一個近乎滅黨嘅政黨??家會因咩事而嘈？咪就係補選囉。有網民搵返資料，話胡穗珊曾經講過有佢一日都唔會畀黨友何秀蘭上位，所以佢今次唔喺度，唔少網民都認為同何秀蘭想參加補選有關，亦有人認為係李卓人（阿人）太過把持大局所造成。不過，有不滿胡穗珊嘅人就斷言佢一定係去「投共」喎，真係一地花生殼。
胡穗珊曾稱不容何上位
喺網民討論中，同胡穗珊個名一齊出現得最多嘅就係何秀蘭，認為係胡穗珊頂佢唔順。「Kai Lung Ho」就先拋磚引玉問︰「有人估因為何秀蘭想出山選港島補選，胡穗珊唔同意但阻唔到，所以辭職。唔知有幾成真？」「Kwun Man Kong」就話︰「胡小姐曾經喺節目咁講過：有我一日都唔會比（畀）何ee（姨姨）上位。唔知有冇關係呢？」「林喬偉」就留言話︰「你估何×流架（㗎）？」
「Ray Yeung」隨即問︰「何ee（姨姨）想選？」「Danny Ho」就直言︰「盲嘅都開眼啦。糧油（『青年新政』梁頌恆、游蕙禎）被DQ（取消資格）一開始，她已有些微動作，突然又出番（返）嚟俾人見。」
不過，唔少人都對工黨想爭位反感。「Kwun Man Kong」就話︰「飯（泛）民仲喺補選出基哥（民協馮檢基）同何ee（姨姨），真係死得。」「Martin Yip」就話︰「當然港島應該俾（畀）返『眾志』。」「Ar Po」亦表示︰「工黨選港島，我肯定唔投佢。」
有人就認為係李卓人嘅問題。「Pedro Ortega」話︰「大家都（知）工黨是李卓人隻手遮天，主席只是一個無權傀儡，這就是他們所謂的民主了。」
不滿胡穗珊今次高調退黨嘅人就話佢「投共」。「Ming Lau」聲言︰「胡惠（穗）生（珊）人要識變、快速變紅色、一定有錢途？」「Kenneth Tsui」也揶揄謂︰「吓，唔好走出嚟啦，我明人必有志，不過都自知之明，唔通依（??）家先去工聯會咩？留嚮庇護工場咪算囖（囉）......」「Alex Chan」就狠批︰「又話睇唔過眼，但又唔出聲，......唔好話我陰謀論，佢會否加入民賤（建）聯或工聯會！」
被譏「好黨有限」滅黨算
「Benny Tsang」就食足成程花生話︰「『主席』都出走兼退黨，呢個工黨真係好打有限。」「Alvin Au」亦謂︰「呢個都唔知係唔係為工人權益既（嘅）組織，收埋啦。扮工傷，攞假去遊行。撐南亞，暗搶工人飯碗。到選舉，就叫人擺（罷）工。仲有乜野（嘢）好做 ？」 ■香港文匯報記者 甘瑜