雖然激進反對派分裂不堪，但佢哋嘅智慧始終都喺同一陣線。網民「Kian Lee」前晚就喺facebook出文，話「古有黎汶洛鎖匙試打樁，今有『熱狗報』新地量溫度。」發生咩事？咪就係《熱血時報》近日報道「天鴿」襲港前，影響到香港天氣好熱，佢哋就叫讀者睇吓個溶咗嘅雪糕咪知有幾熱囉。呃......又真係好有參考價值喎。
咩叫「黎汶洛鎖匙試打樁」？去年，「香港眾志」黎汶洛想在九龍東出選立法會，所以扮晒關心社區。他當時發帖稱，自己到東頭（一）邨第二十三座的重建地盤視察，稱該處的打樁工程會滋擾鄰近小學上課，甚至影響附近樓宇以至整個屋邨的地基，更將鑰匙放在地盤旁的欄杆上，恍如「開心大發現」般說︰「我們發現打樁機每打樁一下，鑰匙就震動一下。」結果網民瘋狂恥笑佢無常識。■香港文匯報記者 甘瑜