■夏文汐、黎諾懿、林夏薇、韓馬利及劉思希等拍攝《逆緣》的一場慈善拍賣會場面。香港文匯報訊（記者 梁靜儀）夏文汐（Pat姐）、黎諾懿、林夏薇、韓馬利及劉思希等昨日在尖沙咀一間酒店拍攝無綫新劇《逆緣》，現場拍攝一場慈善拍賣會場面。身穿紅色露背晚裝的夏文汐，性感又高貴，一臉倦容的她透露拍劇期間長期睡眠不足，簽約拍劇時講明每天拍攝十二小時，但因趕埋尾，曾試過凌晨收工，翌日早上又要開工，令她頂唔順，要和監製溝通，監製最後亦取消該個通告。她又主動大讚劇中的老公黎諾懿：「睇勻全無綫最靚仔係諾懿，今次合作好開心，我住喺美國時成日追睇《愛·回家》，已覺得佢幾有潛質，當年方中信同黃秋生都係畀我睇中同佢哋拍第一部電影，方中信個名都係我改，當年同秋生合作覺得佢好靚仔，但之前再合作，同以前差好多。」她又打趣指自從黎諾懿跟她合作後即爆紅，看他的《燦爛的外母》如此快播出，她都有追睇，真的幾好。她表示本月16號《逆》劇煞科後，便會先返上海小住。
諾懿表示劇情交代他搞拍賣會，邀請了Pat姐和夏薇出席，令夏薇誤以為他想追求她，其實他是追求Pat姐。問到最後是否追到？他笑說：「當然追到女神，否則都冇沙灘咀嗰一幕。」諾懿透露拍這場戲要跳華爾滋，四年前他曾參加《舞動奇蹟》，但因少練習一定會有生疏，但拍戲不同比賽，拍戲可以有NG。問到會否找太太練習？他指太太唔鍾意跳舞。
夏薇現實中未試過表錯情
戲中與Pat姐發展姊弟戀的諾懿，被問到現實中可鍾情年紀比自己年長的女性？他笑說：「我老婆囉......講笑，年紀大過我就冇，反而有男性同我表白，我好鍾意同他們做朋友，佢哋好温柔細心，做朋友一流，但暫時唔會，未來嘅嘢好難講，除非中途受刺激。」他又笑言希望兒子遺傳到他喜歡異性的基因：「呢方面我比較傳統。」
夏薇被問到現實中可試過表錯情？夏薇笑說：「比較少，冇咩把握唔會去做主動，（食過檸檬？）都冇，（你主動追求老公？）係兩情相悅，大家順其自然發展。」