慳出200萬首期
梁先生：今次斥資700萬元買入一個兩房戶，屬首次置業。自己年紀唔細，與女友拍了11年拖，要負責任結婚。今次入市首期達五成，三成靠自己儲，兩成靠家人幫助。自21歲起出來工作，儲咗200幾萬做首期，淨返100幾萬由屋企人幫手，期間要知慳識儉，「同女友兩年先去一次旅行，出街食飯只係使廿蚊，長年累月咁積返來。」有考慮過「首置盤」，不過等不及，趁目前能負擔到就入市。近五六年都有一直留意新盤，甚至有入票，惟抽不中。
二手做不到按揭
謝先生：
今次斥約900萬元購入三房單位作換樓用。現居土瓜灣的單位於三年前買入，恰逢額印稅刑滿可換樓。形容二手按揭門檻太高，想買二手但造不到按揭。又形容施政報告對自己沒有幫助，認為政府應增加土地供應。早前有留意啟德新盤，不過開價太貴，而今次晉海則入飛三次才能抽中。
■ 圖／文：記者蘇洪鏘