■《熱時》竟將壞交通燈當成「猛料」，難怪被恥笑。 fb圖片雖然《熱血時報》台慶得200友去，係就係頹啲，但第二朝都唔使求其影幅街頭相打幾句caption（圖片說明）就當新聞呀？《熱時》個facebook喺台慶第二朝出咗段「獨家猛料」，就係新蒲崗某處壞交通燈，同埋未見有警察維持秩序。呢啲本來喺區議員fb或者微信先會出現嘅嘢，竟然要勞煩到《熱時》，真係夠晒「大材小用」。
狙擊開「熱狗」嘅fb專頁「香港癲佬力量」，當然唔會放過佢啦，佢哋仲摷返《熱時》用「熱狗仔隊」名義收咗差唔多兩球嘢，寸佢哋揸流攤，「《熱時》收咗195萬（元）搞狗仔隊，又有獨家猛料！壞交通燈呢張相，極具新聞價值，殘獸胃（陳秀慧）又有得認叻喇！」
唔少網民都俾呢單「猛料」笑死，好似「Murphy Lee」話「揸緊車聽收音機就知啦」；「Yang Tat Tsang」就叫《熱時》「下次報公廁有人無沖水呀笨」。「Franklin Leung」更加質疑《熱時》班友當時根本匿喺office，「係咪『狗友』報料咋！零成本」。 ■香港文匯報記者 陳庭佳