■左、右圖：林紹輝阻攔及指罵一名「跟蹤」女士的男子。 網上片段截圖區議員協助市民、防止罪案發生是好事，惟若所用方法不當不但會有反效果，更容易對人造成傷害。民主黨石籬北區議員林紹輝近日在網上發佈一段他聲稱自己阻攔了一名「跟蹤女士進廁所」男子的片段，其表現激動，大叫大嚷，令該名疑似智障或精神有問題男子受驚。不少網民看不過眼，指該男子「好明顯智障， 或智商有問題的人士，應該用心去幫下（吓）佢才是正確。 並不是嚇佢或者凶（兇）佢」，又批評林紹輝「處理不當，後果有可能好嚴重」。
肇事男子嚇到急尿
林紹輝前日在fb發佈一段短片，稱自己當日在石籬商場發現一名男子急步追着一名女士，該女士神色慌張走入廁所，該男子仍尾隨，他即時攔停該男子，並通知附近巡邏警員，將事件交由警方處理。惟短片只見林紹輝向該男子大吵大鬧，更不時「手指指」，嚇到個疑似精神有問題嘅男子不停話急尿要返屋企。
網民斥為出位嚇親人
林紹輝嘅支持者當然大讚佢啦，但其他村民唔係咁諗。疑似知情的網民「Chase Tsang」說：「呢個見過好多次，住安蔭的，係傻架（㗎），但無攻擊性，好怕事，好易嚇親佢。」「Billy Lam」則指：「一睇就知道個男人有啲問題 ，個位議員為了出位， 嚇親個（嗰）位先生。」
「Candy Choy」認為，「個男人跟住個女仔係唔啱。應該要睇醫生入院接受治療，一個正常人同個精神有問題既（嘅）男人咁大聲講野（嘢）會嚇親佢。」「Kent So」直言該男子「好明顯智障， 或智商有問題的人士，應該用心去幫下（吓）佢才是正確。 並不是嚇佢或者凶（兇）佢」。
「Hui Kan」也批評道：「如果佢真係精神病患者嘅話，你（林紹輝）咁樣大鬧大渴（喝）一番......太難（離）譜，處理唔係咁架（㗎）！對待病人，特別係精神病人後果就更加嚴重，佢會失控，是否你負責後果？」他更質疑其動機，「仲post上網曬（晒）自己做咗野（嘢）你算係議員？」
有網民則批評林紹輝只是欺善怕惡。「王鋒 」說：「乜都唔去搞，竟去搞個傻仔！」「Henry Mark」則諷刺地說： 「如果事主係大隻紋身漢，唔知情況又會係點呢？」■香港文匯報記者 文森
