■祖兒對軒仔設計的T-shirt大感興趣。香港文匯報訊（記者 梁靜儀）容祖兒與張敬軒昨日到淺水灣出席《英皇證券慈善義賣會》啓動禮，是次慈善義賣活動為「生命小戰士會」及「香港導盲犬服務中心」籌款，英皇集團主席楊受成博士與太太陸小曼、英皇證券集團行政總裁楊玳詩及祖兒媽媽攜同愛犬豆豆等均現身支持。
是次慈善義賣已是第三度舉辦，祖兒與軒仔更特別為活動設計限量版主題T-shirt作義賣，兩人更即場客串主持拍賣兩幅畫作。祖兒表示只用了幾分鐘便完成T-shirt設計，她笑說：「啲靈感『嘭嘭聲』嚟，幾分鐘就搞掂，自己畫功有進步空間，所以文字表達。」祖兒又自爆生痱滋令說話不暢順，她謂：「日前因為吃了幾嚿榴槤，原來一嚿榴槤等同三包薯片，媽媽話我寒底。」問到男友劉浩龍可有吃榴槤？她說：「身邊啲人少食，得我同媽咪食。（食完有同男友見面？）嗰幾日冇見面。」
一向瘦底的軒仔，身形明顯圓潤了，他笑稱當作為積穀防飢，囤積脂肪用來過冬。軒仔又透露已入紙紅館，計劃明年開降兩度演唱會，但祖兒即問軒仔屆時是否真的會反串演出。問到會否借衫畀軒仔演出？軒仔即抵死笑指自己跟祖兒的size差不多，不過是指膊頭。
對於同公司的惠英紅憑《血觀音》勇奪金馬獎最佳女主角，祖兒表示是經理人霍汶希（Mani）第一個傳訊息通知她，而其助手Sandy日前已陪同姐姐惠英紅出發到台灣，但Sandy說緊張到有點暈，因為對手太強勁，未去到最後一刻也未能放鬆。她說：「Sandy習慣性緊張，佢對住我都好投入，何況對住親姐姐，當知道賽果後都鬆咗一口氣，其實我助手Sandy呢個星期啲精神好繃緊，現在我都鬆一口氣。」