■陳奕迅香港文匯報訊 陳奕迅(Eason)、李榮浩領銜主演之超級動作賀歲喜劇《臥底巨星》將於本月18日上映。昨日再有絕密Eason製作花絮流出，被Chris Collins打到飛起：「本身心存僥倖，覺得唔需要帶保護裝備，出拳後定住收返個力就得，點知原來最後都會成身瘀晒！」更向鏡頭展示手臂的瘀傷，笑指瘀到好似假咁；雖然被打到周身傷，但Eason就話寧願被打都不願打人，有幕打鬥戲Eason就唔小心打到武行師傅，即刻好緊張變了「苦瓜乾」樣：「打人係好得人驚，雖然係做戲，但我都好怕傷到人，好危險。有得揀我都係會揀被人打。」
而成功打造出陳奕迅這位「武打巨星」，武術指導洪金寶愛兒洪天祥(Jimmy)可謂功不可沒：「今次拍攝最難的地方係要令本身兩個唔識武打的人(陳奕迅、李榮浩)睇上去要似『好打得』，但佢哋學習能力好高；Eason好勤力，對自己要求好高，有時我都收貨佢都會話嚟多take，想再做好啲！」不但Jimmy大讚Eason， 連李榮浩都話Eason打到好似有替身咁：「有次看見導演剪片，我就問那個人打得這麼快是不是替身，原來是Eason！」