■霍汶希為霆鋒帶來一張附上不少刀刀叉叉的唱片。香港文匯報訊 謝霆鋒昨日於北京舉行記者會，宣佈今年回到個人事業爆發原點︰音樂，重拾嗰團像威化般乾脆嘅火！發佈會上，霆鋒帶來今年第一首主打歌《異想天開》。大會司儀問到歌名《異想天開》的意思，霆鋒說：「呢首歌係先錄粵語《有火》 ，之後再啟發我創作國語版《異想天開》，到𠵱家為止我錄好幾首作 品，還未創作完，靈感係大到......可能我哋要去外國唔同地 方錄音呀，就係為特地去錄結他聲呀、弦樂呀等等。」 主持人問今年有冇計劃出專輯，霆鋒就話：「我唔敢話係專輯， 但我確實響音樂上面有好多想法，如果有新的好意念帶到畀大家， 有更好的創作的話，都會有出product的可能。」
除此之外，經理人霍汶希(Mani)亦都喺記者會上代粉絲跪求霆鋒開演唱會，同時帶來一張附上不少刀刀叉叉的唱片，Mani搞笑說︰「我呢份禮物係想講，如果霆鋒肯開演唱會，佢用上面的刀刀叉叉掟我都得！」然後仲叫台下粉絲起哄大喊「演唱會、演唱會」。而霆鋒的回應就係： 「我覺得現今大眾聽音樂同時追求一種體驗，所以我們未來的方向，可能搞一個美食音樂節，入場人士都可以品嚐到我為大家喺世界各地挑選的美食，亦會有我創作的全新菜式，當然每晚的重頭戲就係音樂會，不過要搵到適合的場地係目前最困難！」