■張晉夫婦昨為其代言的健康食品造勢。香港文匯報訊（記者 梁靜儀）蔡少芬（Ada）與老公張晉昨日到工展會出席代言的健康食品品牌活動，全程兩公婆打情罵俏，談到生仔問題時，張晉笑言：「可能有驚喜呢？」
剛由日本返港的Ada，透露聖誕及除夕與家人去了大阪滑雪，並計劃農曆新年跟家人、朋友及同事去旅行度歲。張晉即反問：「乜有計劃咩？通常passport唔喺我度，我都係唔知去邊，做嘢定係去玩？」Ada即解釋：「男人做大事，唔使記呢啲，你到時出現就得喇。」張晉聞言就笑說：「你籌劃得好好，唔做演員可以做呢啲。」
Ada指老公以前拍戲，睇熟劇本就得，現時開戲就要兼顧更多。問到家頭細務是否由她負責？Ada說：「我的確係有好多自己嘅計劃，想寫劇本，但我每日都忙到好精彩，要照顧屋企湊女睇功課，所以未開展，睇吓張生請唔請我做編劇，不過我驚唔知幾時先交到劇本，希望有機會實行。」問到可會計劃追仔？Ada笑說：「呢樣就要問老公，或者經理人喇！咁你哋想唔想我有驚喜呀？不過要先調理好身體，同食多啲健康食品。」張晉則笑說：「可能有驚喜呢？驚喜唔使計劃。」