■洪羅拔生前在圈中人緣好好。香港文匯報訊 前亞視藝員洪羅拔昨早在威爾斯醫院離世，享年61歲。有指他不敵癌魔，在姪仔照料下離世。其生前好友肥媽（Maria Cordero）證實死訊，肥媽更表示：「佢係一個大好人，經常安排好多聚會，我們由84、85年開始每年聚會，係一個非常難得嘅好人。佢唔喺度我們個個都唔開心。」洪羅拔將於本月16日假紅磡世界殯儀館設靈，17日出殯。
洪羅拔契細佬漢洋在電話表示前2日約咗契哥食飯，佢話唔舒服沒出來，昨早留言畀佢，但佢原來已走了。洪羅拔年前傳出患有肝癌，問到是否因癌症離世？漢洋說：「我唔敢講，交畀佢屋企人宣佈。一直知佢唔舒服，本來我哋話再約食飯，因為佢過幾日生日，本來諗住同佢慶祝。」
胡渭康（William）昨天到深水埗舉行見面會，宣傳下月舉行演唱會。接受訪問時，提到洪羅拔因肝癌離世，William表示收到消息，大家以前一齊玩，但呢個世界每日都有人來有人走。舊年食過一次飯，都半年前，大家仲玩煮飯仔，佢身體唔舒服都有一段時間。
郭政鴻上載黑白照悼念
另外，郭政鴻昨午於微博上載兩人合照，並將合照轉為黑白色以作悼念，他留言說：「今天係我非常難過的一天，一位對我非常好的兄弟『洪羅拔』走了！記得當年係佢第一個鼓勵和支持我入娛樂圈的人！我還記得你借衫俾（畀）我著（着）！等我可以好好見人！係你第一個鼓勵我參加第四屆新秀歌唱比賽！和你的一點一滴我永遠都不會忘記！希望你去到另外一個世界！可以繼續開開心心！……永遠懷念你鴻仔。」