■羅三七、河童、周永康同西瓜琦合照，或者可以叫做「同枱食飯，各自收監」。 facebook圖片所謂「自決」、「黃絲」同「港獨」爭幾遠？有時可能就係坐埋一枱咁親密無間。「香港中箭」主席羅三七（羅冠聰）前日po（貼）咗張佢同「中箭」秘書長河童（黃之鋒）、前學聯秘書長周永康，仲有退出咗「本土民主前線」嘅西瓜琦（梁天琦）嘅「飯聚」相，大家同枱食飯，老友鬼鬼咁。有報稱「中箭」支持者如夢初醒咁不滿佢哋同西瓜琦行得咁埋，批評「泛民」同「中箭」幫人渣洗白咁話。
周永康前日亦都po咗張佢同西瓜琦嘅合照，話對方還柙令佢沮喪傷心，又唔滿意同道掛住食人血饅頭係咁傾補選「Plan B」。報稱為「中箭」支持者嘅「Man Kun Fong」鬧西瓜琦一開始講到幾咁支持「暴力革命」，但喺「旺暴」之後聲稱自己乜都無做過，最後有片影到佢襲警先至焗認，「希望梁天琦用餘下一生×街潦倒以謝天下，『泛民』同『眾志』等為咗打卡同呢個人渣洗白的，希望都會付出相應的代價。」
不過，羅三七、河童仲有周永康一齊牽涉入衝擊政總東翼前地案，終審法院仲未宣判，換言之佢三個都仲有機會要返入去坐，如果真係咁嘅話，佢哋同西瓜琦張相或者可以叫做「同枱食飯，各自收監」，反正呢4個人一定係天各一倉！■香港文匯報記者 陳庭佳