■賤根將淘寶貨當自家出品。 fb圖片「城邦派國師」陳云根本來都係周時傻吓戇吓、唔記得食藥咁款，俾人嗌佢做「傻根」啫，但經過前日車禍慘劇之後，大家或者要改口叫佢「賤根」。聲言要「港中區隔」嘅吽A俾人踢爆喺今年年宵賣淘寶貨之後，惱羞成怒去抽車禍水，話自己俾人嘈完之後嬲得滯取消「祭天」，之後就發生咗車禍嘞，係「皇天震怒，天滅香港」喎。呢單慘劇死咁多人佢仲可以攞嚟過口癮，除咗冷血都冇其他形容詞去形容佢嘞。
話說《熱血時報》今年年宵大縮皮，由維園縮到去旺角花墟擺檔，推出咗唔少以「國師陳雲出品」為名嘅貨仔，好似一隻「戰鬥碗」就盛惠六草嘢，年畫賣80蚊至120蚊不等，最貴嘅係成千蚊嘅「馬頭明王金剛橛」。
年宵轉賣貴43倍
值唔值呢個價？有網民踢爆呢啲嘢喺淘寶都有得賣，價錢仲要平一大截，好似「戰鬥碗」咁，最平每隻個半人民幣，而「合和二仙」年畫同樣都係個半人民幣有交易，咁計落，賣一幅年畫就可以賺成43倍咁多。
吊高嚟賣都算，但賤根一向都聲言要「港中區隔」，如今俾人踢爆賣國貨，自然就傷到一班「信徒」個玻璃心啦，有人就不惜同賤根打對台嘞。
賤根前日就打咗一大篇嘢，間接承認「國師陳雲出品」其實只係淘返嚟嘅國貨，一時話自己揀嘅國貨都係好嘢，一時又話自己套「港中區隔」唔係要隔絕國貨同「北水」，如果佢班「信徒」咁都唔明，就快啲躝去佢對頭「偽港獨」嗰邊，佢唔需要啲智力低下嘅支持者喎。
「無敵神駒」仇思達就即刻回佢帶，摷到賤根曾經寸「青症」Cheap禎（游蕙禎）某次着嘅旗袍係淘寶貨色，仲話淘寶係「港獨派」生產基地，呢鋪真係「老師又中」，不過係中回力鏢。
稱「皇天震怒天滅香港」
講咩都俾人窒，賤根扯晒火都係人之常情，不過唔使將車禍慘劇拉埋落水啩？佢再出po話本來諗住喺前日晏晝「祭天」，「然而，今日上午一群仆×陷（冚）×鏟（剷）早死早着死全家在諷刺我售賣『中國貨』，我便連簡單的祭祀也取消了」，最後就喺6點鐘爆出車禍。佢仲嫌唔夠喉，之後嚟多句「皇天震怒，天滅香港」，好似成個香港得罪咗帊搳C
咁離譜嘅說話，就連跟過賤根嘅「腎弟」盧斯達都睇唔過眼：「死亡車禍令人心寒，但老人的深層自卑變種成以為可以用『祭祀與否』影響世界安危的自大，則更令人齒冷。」 ■香港文匯報記者 陳庭佳