下雨天，如果有狗隻打算進入大廈內避雨，你會否讓牠進內？有網民昨日在荃灣嘉達環球中心拍下短片，指大廈一名保安員指令流浪狗勿再走近大廈（見圖），有關短片上載facebook後引起大眾關注。網民對此意見兩極，有人狠批保安員冷酷無情，網民李生說：「隻流浪狗不過係諗住想避下雨咁都唔得喎。」網民Ting Fung Yim指，「隻狗真係好可憐，法律都不外乎人情，停雨先走都得啩。」
不過，亦有網民認為保安員只是做分內事，網民Tear Tang指，「如果保安唔理隻狗，由佢走咗入去，呢個時候又有人拍片影個保安唔做嘢，保安又畀人投訴唔做嘢，家陣個保安做返自己分內事又俾人拍片放上網。」網民Matthew Song反問：「隻狗咬到啲人，你賠呀？」網民Hing Ping Lai說，保安員沒有打牠也沒有踢牠，還當牠是人般叫牠走，認為他沒有做錯。■香港文匯報記者 尹妮