「佔中三丑」中的戴耀廷成個中二病患者咁，又「雷動」又「風雲」，連近日馬來西亞大選都要炒一番，話由不同派系、部分此前甚至是「死對頭」所組成的「希望聯盟」在大選中勝出，香港亦應該搞返個「希望聯盟」，要推動香港反對派中不同嘅派系「團結」打選戰喎！支持不同派系嘅網民，當然齊齊回帶話其他派系幾咁不堪，仲話各黨派根本各懷鬼胎，咁搞只會進一步分化，仲批評戴耀廷越搞越大鑊，直情係「民主負資產」。有網民則直指，戴耀廷搞「佔中」撕裂社會，根本冇資格教人「團結」。■香港文匯報記者 陳川
有咩中二病得過妄想自私自利嘅反對派政黨可以團結一致？馬來西亞今年大選出現了政黨輪替，戴耀廷就異想天開，近日喺《蘋果日報》撰文話，反對派不同政黨應該要組成港版「希望聯盟」，就有望喺明年區議會及後年立法會選舉中奪得過半議席，「令香港『專制化』的速度減慢」喎。
稱要團結反對派爭議席
佢喺文中聲稱，香港反對派過往不團結係因為「中共」一直「挑撥離間、分而治之」，但各黨派其實只是「在爭取民主的策略及步伐有不同的想法而已」，「這些分歧應是較易處理」，又稱反對派應放下「『泛民』、『本土』等政治理念較重的論述，共同高舉一支能把各個反對力量團結在一起的旗幟」云云。
同派系的反對派支持者隨即留言「互數」。「Maria Cheung」就回帶，批評包括「香港眾志」在內的「自決派」，在此前特首選舉中呼籲選委投白票：「香港要總結教訓不能再有白票黨，他們以為自己好清高站在道德高地上其實是陷香港於不義！......蠢到 +01（加零一）！」「Han Julie」就插「港獨」分子：「即使肯俾（畀）『焦土派』優先選佢地（哋）都唔會俾（畀）希望香港！」
傳統反對派嘅「Dante Ma」亦指：「前有『人社』之亂，後有『300加』分裂，其後更有天才朱軍師（朱凱廸）徒手打爛『初選』機制。......聯盟最終會有人從中攪（搞）叛變而告終，最後只會突顯各懷鬼胎，自私自利。你唔預呢班人又會被（俾）佢地（哋）攻擊，你預呢班人最後你一定被呢班人攻擊，可嘆哦！」
「Pys Phillips」更道：「香港嘅反對派根本無可能團結，因為人性只會為利益而妥協，並不會因為公義而犧牲自己嘅利益。」
唔少人也直指戴耀廷不知所謂。「無敵神駒」仇思達就發帖話：「戴妖胡言亂語，宣稱要在香港組成『希望聯盟』，真係想笑死人。戴妖版本的『希望聯盟』，將會是只會容許佢希望見到嘅人聯盟，佢唔希望見到嘅就無得聯盟，最近的例子有馮檢基。因此，戴妖的『希望聯盟』，是沒有希望的。」
杜汶澤爆粗問癲夠未
一直撐「港獨」分子的演員杜汶澤亦勞氣地在帖子留言，爆粗鬧戴耀廷：「人地（哋）有個民選制度咖（㗎）你噏乜×呀關你香港人×事咩......癲夠未呀你戴妖！......要有希望首先要收戴妖！」
「Kwokchun Cheng」更翻戴耀廷舊賬，狠批道：「唔係戴妖『雷動』叫新西選民上午投黃浩銘，晚上投李卓人，點會拆散兩邊票呀，你自己搞清楚先啦，懵剩（盛）剩（盛）！」「Chiu Ting Chan」則恥笑：「如果可以組成復仇者聯盟，應該可以保護地球添（𠻹）！」
有網民則直指戴耀廷搞「佔中」撕裂社會，冇資格講團結。「Tommy Chan」道：「戴先生『佔中』的失敗，是沒有將社會團結，反而將社會撕裂成很多陣形，『泛民』也分成『本土派』和『民主派』，這樣的格局將本來不團結的社會變得更不團結，結果連311選舉也輸掉，這也是和馬來西亞選舉變天一個很好的對比。」
「佔領」 「雷動」屢搞分化
「張佩芠」就爆粗道：「『佔領運動』已經令到香港人分化，唔係『黃絲帶』就係『藍絲帶』，無論係兄弟姊妹父母，都因為你個畜生喺度互相指責，你個×家剷仲要死心不息搞乜×嘢聯盟又喺度搞分化香港人，你個×家剷真係唔死冇×用！」