■余若薇質疑涉事醫生巡房8次都無發現「紗布封喉」。余若薇fb截圖香港文匯報訊（記者 陳川）一個黨，同時投支持、反對、棄權，真係邊個夠佢玩？近日鬧得沸沸揚揚的「紗布封喉」，公民黨立法會議員郭家麒，就話被醫委會處罰嘅醫生係「代罪羔羊」，但該黨嘅前主席余若薇，就質疑個醫生點解巡房8次都冇留意過病人個傷口。買晒兩邊，真係邊個夠你玩？
公民黨議員在立法會就爭議議題投票時，經常玩「兩投」甚至「三投」，被揶揄充分反映其黨投機取巧、隨時「走位」的本質。
一個話醫生無辜 一個質疑失職
在「紗布封喉」主診醫生黃卓義被醫委會判處專業失德後，「前線醫生聯盟」就發動聯署，話裁決唔公道喎。郭家麒就在fb分享有關新聞時指，醫生人手不足，但醫管局並無實質措施改善人手，是次判決係反映前線醫生及其他醫護人員「成為醫管局管理不善的代罪羔羊」喎。
不過，同黨嘅余若薇，就分享咗死者兒子質疑聯署醫生的做法無視了解死者家屬感受嘅新聞，仲發文話：「我知道醫生工作繁忙壓力大，我只想知道巡8次房，係咪要睇下（吓）病人嘅傷口？」明顯覺得個醫生有責任啦！
一邊撐一邊質疑係咩玩法？不過咁，買晒兩邊，無論輿論倒向邊一處，佢哋都可以靈活走位，最多余若薇勢色唔對時出嚟話自己係「普通黨員」囉，玩政治嘅，只要夠無恥，就可以「立於不敗之地」。