■Zoe視「大隻仔」如子女般細心照顧，譜出非一般的人龜情。人棄我養同吃同住 「大隻媽」：第時老咗希望個女照顧佢
「大隻仔，係咪想去街呀？」體形龐大的盾臂龜「大隻仔」，每日與「大隻媽」Zoe同吃同住。在酷熱天氣下，嬌滴滴的Zoe更不辭勞苦用孭帶背着牠遊歷大街小巷。正當大家對「大隻仔」羨慕不已時，有誰知道牠曾是被遺棄動物，直至被Zoe領養後，才感受非一般的人龜情，更「拍住上」四出宣揚愛護動物訊息。本港過去5年，有逾1,700隻小動物被遺棄，卻不知有多少動物能如「大隻仔」般幸運。Zoe笑言：「第時我老咗，希望個女可以照顧佢。」■文 / 圖：香港文匯報專題組
早上10時半，十多隻被棄養的烏龜在柴灣公園水池內載浮載沉；偏偏5歲的盾臂龜「大隻仔」卻舒適地躺在Zoe懷中，倚着水池欄杆，凝望着四周。
不少遊人見到「大隻仔」的「萌樣」，主動上前逗牠。
Zoe在兩年前收養「大隻仔」，每天她都會像照顧嬰兒般，用孭帶背着牠四周遊歷。記者日前相約Zoe見面，最初怕她不便帶分量十足的「大隻仔」外出，故邀約她在東涌住所附近做訪問，怎料她說：「就你啦！我無所謂，我差不多每日都會帶牠周圍去，一陣晏啲去大埔，聽日就去香港仔！」
兩年前，Zoe從朋友口中得知「大隻仔」將被主人遺棄，便決心領養牠，「當時佢主人沒有交代太多（棄養原因），只話我唔要佢㗎嘞，如果過多排都冇人要，我就掉咗吽C」
Zoe認為「大隻仔」也有生存的權利，是一條寶貴的生命，故斬釘截鐵答應了領養。
曾受重傷折壽 或僅活到50歲
不幸的是，Zoe收養這個寶貝後，卻發現牠前端部分龜殼裂開。她曾致電舊主人了解，惟對方未有透露受傷原因。
雖然醫藥費高昂，但Zoe沒有半點猶豫，堅持要醫治「大隻仔」。經獸醫檢查後，證實牠頸椎移位及長短腳，因曾受過重傷，很大機會只可活到50歲。
Zoe目前與12歲女兒居住，她形容「大隻仔」活像一個小朋友，「我哋三個會一齊瞓同一張床，有時『大隻仔』會呷醋咬吓我個女隻手。有時佢夜晚要去廁所時，都會咬醒我，成個細路仔咁。」
「大隻仔」屬於盾臂龜，成年後可達45公斤至91公斤，壽命可逾百載。Zoe擔心日後年長未能繼續照顧牠，故已向女兒灌輸愛護動物的訊息，「第時我老咗，都希望個女可以照顧佢。」
「龜聚」擴視野 包尿片引途人
為了令「大隻仔」擴闊視野，Zoe幾乎每日都會帶牠到不同地方參加「龜聚」，即使是吃自助餐，「大隻仔」也會相伴，「我搵條孭帶背住佢，好多人都唔會發現，同埋我會同佢講唔好郁，佢都好聽話。」訪問期間，不少途人都對穿着尿片的「大隻仔」很好奇，紛紛跟牠拍照，「因為怕佢喺街受驚會小便弄髒街道，所以同佢穿尿片。」Zoe說。
視「大隻仔」為己出的Zoe，更受到一班龜友的鼓勵和幫助，在facebook為這個心肝寶貝設立專頁《大隻仔生活點滴》，天天更新其狀況。Zoe坦言：「我學玩facebook都係為咗『大隻仔』，我想多啲人知道佢嘅故事，其實養龜同養貓狗一樣，都係一生一世的承諾。」