雖然雙親已經病咗幾年，但Cheap禎一直以來都係飲飲食食。網上圖片「青症雙邪」之一嘅Cheap禎（游蕙禎）話唔求情又求情，其中一封仲不斷「賣小強（扮弱小博同情）」，話自己雙親患癌，自己同父母相處嘅時間一直倒數緊，所以希望唔使坐監，畀佢「盡孝道」咁話。不過，唔少網民都對Cheap禎嘅求情冷笑一聲，質疑佢忽然孝順，只係為咗唔使坐監，仲反問佢︰「講到自己咁想陪家人，咁之前又搬出黎（嚟）住？」有人亦一針見血咁話︰「坐監先識話照顧父母。既然要坐監可以令你變得孝義，你更加應該入去坐啦！」
話雙親患癌 突然「盡孝道」
Cheap禎話自己爸爸2011年確診鼻咽癌，之後仲擴散到肺部；媽媽就2012年發現大腸有癌細胞。雖然雙親已經病咗幾年，其間Cheap禎亦全力參加選舉，搬埋出嚟住又同的士梁（梁頌恆）過夜，又成日同人去飲飲食食，得閒又着下古裝、化行妝咁影相派軍糧等，真係完全唔發現原來佢嘅處境咁悲慘。
Cheap禎似乎同大家一樣渾然不覺，所以喺父母患病幾年後、要判監之前，佢先突然發現自己需要留喺父母身邊「盡孝道」，希望法官判佢社會服務令，唔使佢坐監咁話。唔講仲以為法庭係判咗�4年唔畀佢見父母𠻹，其實法庭都係判咗�4個星期啫，之前啲時間咁嘥法都唔心痛，呢4個星期冇理由唔得嘅。
突然扮孝順，啲戲假到咁，霞姨都唔派飯盒啦，法官噚日都好直白咁話，呢個唔係有效求情理由嚟㗎喎。
變臉樣衰 「更該入去坐」
Cheap禎變臉變得咁樣衰，網民點睇呢？「Chan Wing Him Ken」最簡單直接︰「算吧啦你，博上鏡！法官判得好！」
更多人就批評佢有事就攞父母病情嚟擋箭。「Vincent Lau」直斥︰「一有事就搬老豆（竇）老母出黎（嚟）求情！」「Sin Cham Wong」有個加強版講法︰「求情時，講到自己就嚟冚家×甘（咁）嘅樣。」「Gavin Tai」揶揄︰「又推老豆（竇）老母落火坑，又一個『好有責任感』嘅年青（輕）人。」
「Hadry Lee」就以子之矛，攻子之盾話︰「『有機會盡自己作為女兒』的責任？我可以解讀為扑嘢精（游蕙禎）係過去廿年嚟，一直都未有盡過作為女兒既（嘅）責任？」
「Mon Tse」應該算係講得最持平︰「平時就唔駛（使）照顧父母。坐監先識話照顧父母。既然要坐監可以令你變得孝義，你更加應該入去坐啦！」■香港文匯報記者 甘瑜