香港文匯報訊（記者 植毅儀）書展昨日最後一天，前亞視高層葉家寶及曾有「亞視暖男」的公關黃守東舉行新書簽名會，2007年亞姐筱靖及施熙瑜 現身支持。筱靖表示選亞姐轉眼超過十年。她稱當年來港旅行放暑假，因為逃避學業，因此參選亞姐。問到當年選美有何難忘事？她笑言當年的參加者花招百出：「記得有次記者會，我着咗件火紅色泳衣，大會司儀叫我踎低潑水，我好聽話照做，成功搶鏡，第一次喺報紙見到自己張相。」
另外，黃守東自爆曾激嬲筱靖，兩人未有交談兩年，直至去年才破冰。筱靖初時開玩笑指男方暗戀自己，所以才不願跟對方說話，後來正式道：「因為佢要我着泳衣，我唔想睬佢，我年紀都大，冇keep得咁好，做咗七、八年仲要我着泳衣，而且佢係唔理春夏秋冬都叫我着，所以我嬲咗吽C。」
另外，前亞視高層盛品儒（James）現身書展，他透露懷孕七個月的太太蔡一鳳仍身在倫敦修讀設計，過兩天便會返港，提到早前太太在當地遇上火警，他坦言擔心：「我都有即時問佢，好在只係虛驚一場，係隔籬單位有小火。」問到BB性別？盛品儒表示過多兩個月就知，有男有女，似乎暗示是龍鳳胎。