■大門走廊位，一邊牆身用白色磚紋鋪砌，上方則吊着型格燈飾。裝修預算因人而異，有人選擇全屋翻新，斥資數十萬元，亦有局部整埋，例如只處理牆身或地板，數萬元即可搞定。「廚房廁所一般屬於大工程，因為要涉及電箱、水喉。以雲疊花園為例，屋苑近30年樓齡，戶主剛買入時是原裝裝修，水喉電線已見老化，今次全屋重新走線，起碼一勞永逸。」Gary指，假如不及時處理老化問題，日後一有問題就要大執，「電線老化有機會跳Fuse，水喉老化，到時先搞又要全屋重新執一次。」
玩轉走廊 營造氣氛
戶主有個特別要求，就是插蘇位特別多，全屋約有近60個。Gary提到，一般裝修師傅報價，是假設單位一般20個電掣位，比如今次戶主要求多裝，故具體費用難免與報價時有差距。
今次走訪之單位，戶主要求採用柔和色調，牆身採用淺粉色，地磚用木紋磚，天花採用白燈。特別的是大門走廊位，一邊牆身用白色磚紋鋪砌，上方吊着型格燈飾並採用黃光。「由於走廊較長，入門後睇唔到廳，不如做返啲特色嘢，區分兩個空間營造氣氛。」
由於戶主即將迎接第二個小生命，其中一間房就特意訂製了兩張床，其中一張床下方為衣櫃，故較高身；另一張為「子母床」，即可從床底再敞開多一張床的設計。原來戶主希望未來可容納家中長輩或工人，協助照顧小孩。包括這項組合床，全屋木器傢俬均特別訂製，共計支出約9萬元。