■唔知小麗老千對住九西新選民，係咪都咁有「性格」呢？ fb截圖為咗政治利益，一個人同佢嘅團隊可以去到幾盡？有意出選立法會九龍西補選嘅小麗老千（劉小麗）話畀大家聽，除咗�啲義工會立亂黐抹黑海報喺人哋嘅橫額上面，佢自己更加會擺已經過咗身嘅阿媽上枱！小麗老千喺一個訪問入面，攞妢礄伀w癌嘅阿媽俾醫生「呃」話唔使覆診、將佢老人家轉介去不同部門，嚟數公營醫療系統嘅「不是」，加上同佢做訪問嘅反對派喉舌《壹週刊》做標題黨，一句「劉小麗媽媽患癌被踢出公院」，夾手夾腳將佢捧成民生急先鋒，再加幾滴眼淚落去。不過，雖然人就走咗啫，佢咁樣出賣親生阿媽啲私隱，就連佢啲粉絲都唔係個個受落囉！ ■香港文匯報記者 陳庭佳
《壹週刊》日前刊登咗小麗老千嘅訪問。明明前年立法會選舉佢係以「『自決』自強」做主題，差唔多盲嘅都睇得出係政治掛帥，但佢竟然話自己「本身都係從民生出發」，前年選舉係以撐墟市政策、全民退保為軸心，亦都好執着安老政策。
兜咁大個圈，無非都係想搬阿伯母出嚟玩吓煽情、玩吓催瓷A兼借頭借路攻擊公營醫療系統啫。小麗老千話伯母因為肺癌喺2014年過身，其間拖拉咗六年，次次去公立醫院覆診都有佢幾姊妹傍住，係有一次只係由菲傭陪同，嗰次個醫生就「呃」伯母，叫佢老人家close file（結束檔案），唔使再返嚟覆診，而佢老人家亦都同意咗，無再去覆診。
佢話，之後伯母病情惡化，仲有糖尿病，有次更加因為器官衰竭、頭暈被送入急症室，再輾轉轉去內科，但當時內科診斷伯母已經去到臨終階段，建議轉送去療養院，而老人家喺半年後亦都離開咗世界。
標題稱「被踢出公院」為呃Like
小麗老千聲稱呢啲經歷令佢「好難受」，公院畀佢嘅感覺係「長者浪費社會資源」，「點解老人家喺醫療體系入面，會畀人覺得冇價值？」不過，佢承認伯母發現患肺癌嘅時候，已經唔係初期，係接近晚期嘅階段。
同時，《壹週刊》更將訪問條標題做《民生唔等於派飯盒 劉小麗媽媽患癌被踢出公院》，之但係根據報道內容，伯母除咗自己去過私家醫院做手術之外，由覆診到喺療養院過身都喺公營醫療系統入面喎，大佬，做標題黨吸睛都唔使咁監粗嚟㗎？
小麗老千擺阿媽上枱呢招，亦都唔係個個粉絲都受落。
網民追數質問花生豐收
「小麗民主教室」個facebook轉載報道後，「Peter Chan」就留言話，雖然佢都有啲感觸，但肺癌同胰腺癌、食道癌同時列為最致命嘅癌病，即使喺「醫學最進步」嘅美國，5年存活率都只係得10%，「所以妳的母親不治離世，並不令人感到很意外。」
同場亦都有其他口味嘅花生提供。「On Ki Lam」問加入工黨無幾耐嘅小麗老千：「聽講你哋工黨李卓人個工會剝削社工喎，你又點解釋？」可能見對方個戶口係新開嘅，有人就以「小麗民主教室」名義「回敬」一句「聽講你係假account（戶口）喎，你又點解釋」，但就唔肯定係小麗老千本人定其他人嘞。唔知佢同義工對住啲新登記嘅九西選民，又係咪咁有「性格」嘅呢？
小麗老千喺訪問中提到，佢喺前年選舉以全民退保為軸心之一，不過佢當時一度提出幾乎無可能做到嘅「免供退保」，搞到要道歉收場。「益友」陳興旺就寸佢係近年最識「玩」選舉嘅政棍：「佢深明政棍嘅真諦。啲政綱基本都係唸口簧，至於咩『免供退保』，都係講吓嘅啫。選舉承諾，好多人唔記得㗎啦。就算有個神駒記得，捐人工呀、義工隊呀，係唔做呀，又係吹佢唔脹。」