■陳興旺寸小麗老千深明政棍真諦，「免供退保」等政綱都係唸口簧。 fb截圖自己被攻擊女性身份就係對家俾人「政治洗腦」，攻擊人嘅時候就係「合理質疑」，小麗老千係咁搬龍門㗎啦，唔係第一日先知啩？
小麗老千喺訪問當中話，自己試過喺街站俾人叫佢「返去做雞（妓女）」，「係『返去做雞』，即係原本就係雞」，亦都有相熟小販拎住佢俾人移花接木嘅裸照，問佢「做乜影呢啲相」。雖然佢喺提返呢兩件事嘅時候笑得好開懷，但佢就話咁樣攻擊佢嘅人係被「政治洗腦」喎。
話時話，小麗老千其實都試過「女人難為女人」。2015年區議會選舉，「青年新政」個Cheap禎（游蕙禎）首次參選，當時有啲麻甩佬話睇樣分上先會投佢，小麗老千就整咗個神回覆，話人類太容易受荷爾蒙欺騙，「大概當性賀（荷）爾蒙或者愛情賀（荷）爾蒙分泌嘅時候，大腦有超過50%Ram（內存）係處於癱瘓狀態」，即係寸Cheap禎靠個樣出嚟選，而班麻甩佬內分泌失調先會投佢。
去到前年立法會選舉，小麗老千同Cheap禎喺九西撞到應一應，佢呢番言論俾人攞返出嚟鞭屍，最後佢要同Cheap禎道歉，又辯稱自己當時係「質疑」啲組織同網民呼籲選民「用下體投票」係咪理性喎。 ■香港文匯報記者 陳庭佳