■傻根幸災樂禍寸陳浩天，話︰「愚昧的陳浩天，就這樣被美國的媒體政治玩死了。」 fb截圖香港外國記者會（FCC）早前高調幫「香港民族黨」召集人陳浩天搭台畀佢播「獨」，向來不滿「民族黨」嘅「城邦派國師」傻根（陳云根）當然眼紅。咁FCC死撐完一輪，最終喺YouTube度又唔放陳浩天出嚟，見到「政敵」畀人用完即棄，傻根亦喺facebook開心出文幸災樂禍話︰「愚昧的陳浩天，就這樣被美國的媒體政治玩死了。」
恥笑被外力用完即棄
傻根話，FCC嘅YouTube頻道度跳過咗陳浩天的演講，「從YouTube記錄看來，他並無去外國記者會演講，那日是記者會的閉門休息日。」
要鬧當然就唔止鬧陳浩天嘅，傻根當然要鬧埋冇請佢去演講嘅FCC啦，於是佢就喺自己篇文度留言畀自己話︰「外國人也會抹殺歷史的，各位見到了吧？」
「熱狗（熱血公民）」前首領黃洋達個老婆殘獸胃（陳秀慧）亦即刻加入話︰「陰功，真係冇喎......乞靠外國勢力丫（吖）嗱......」
越嚟越人丁單薄嘅傻根信徒繼續留言附和傻根。「Edmond Shum」恥笑陳浩天俾FCC「跣到攤攤腰」，「Rik Leung」亦諷刺外國勢力︰「所以政棍同你講：歷史是『勝利者』編寫的。無錯，是『編』。」
「Hong Tat Ng」就繼續攻擊陳浩天︰「比（俾）人煽（跣）左（咗）一舖（鋪），其實外國記者裡也有不少人覺得浩天仔冇料到學人吹『港獨』。」「Herbert So」話︰「呢啲叫『×到唔敢睇』。」
「Chan Joe」就似乎諗起之前外媒恥笑陳浩天無業無藍圖亂吹「港獨」嘅國際笑聞︰「諗住請個革命英雄上台播『獨』......點之請左（咗）個龜縮怕事的小學雞上台......呢種×真係震驚國際......有人想?（抹）掉×事不擺上網又可以理解ge（嘅）。」
「浩粉」反咬：顧掂自己先
不過，莫道你在恥笑人，人亦能恥笑你。有陳浩天嘅支持者就寸返傻根同埋熱狗，話咁叻佢哋咪又上FCC演講囉，睇下有冇人邀請，再唔係執返好自己個網台，睇吓可唔可以多啲人聽唔好執笠好過啦。■香港文匯報記者 甘瑜