■古天樂、姜皓文、宣萱等主演的電影《犯罪現場》。香港文匯報訊 古天樂、張繼聰、姜皓文、宣萱（Jessica)等主演的電影《犯罪現場》，經過約3個月的拍攝，日前於凌晨時分終於殺科，甚少飲酒的宣萱在現場氣氛高漲下，與眾演員乾杯，結果半醉下完成全組最後一場戲，其精彩演出連導演也拍案叫絕。
雖然開香檳已是深夜時分，但一眾有分參演的演員如姜皓文、麥長青及陳國邦等都漏夜到現場湊熱鬧，支持導演及本土製作。監製爾冬陞更拿着酒杯，帶頭「吹喇叭」，跟大家飲勝！當晚幾位有分殺青的老人家見到古仔、宣萱都非常興奮，連忙找導演幫忙揸機影靚相，古仔、宣萱這對活寶貝哄得老人家非常開心，合照、自拍做到足。
開香檳慶祝後，全組最後殺青的宣萱即埋位演出最後一場戲，向來酒量淺的Jessica「酒後」開工，反而有意外驚喜，且笑說：「初初飲酒我都冇事，後來古仔走埋嚟再倒多大半杯畀我，同我乾杯就出事啦，個人開始傻笑！點知反而拍出來效果好好，因為場戲講我視力有問題，飲咗酒對眼有啲focus唔到，完全有嗰個感覺，導演仲話早知我哋每次飲少少酒先拍啦！」Jessica多年後再次與古仔合作，兩人默契依舊：「初初開工都有點擔心，古仔喺現場好認真，拍多兩日之後，發現古仔依然係古仔，有咩事都有傾有講，所以所有嘢都好舒服好順利！」至於首次跟Jessica合作的導演馮志強拍完最後一場戲則說：「我喺TVB 3年都冇同Jessica合作過，今次終於有機會合作！」齊齊為香港電影並肩作戰。