■區諾軒笑口噬噬返咗去民主黨，俾花生友質疑佢係假退黨。fb截圖「我彈出彈入，打我吖笨！」方唐鏡喺《九品芝麻官》講完呢句之後，即刻俾人打到甩肺，現實就由「議會陣線」立法會議員區諾軒（獨軒），接近原汁原味上演，只係事發地點由公堂之上搬到去網上啫。佢前晚返去舊東家民主黨度，同班準備選區選嘅乳鴿分享心得，睇落衣錦還鄉咁款，俾花生友質疑佢根本係假退黨，幫民主黨食埋「中箭（香港眾志）」佢，又問佢其實係咪教班細點樣喺議會「關鍵缺席」去旅行，仲可以惡人先告狀！
fb稱歡迎「大師兄歸位」
話說區諾軒前晚返咗去民主黨黨校同班社區主任分享地區選戰工作，民主黨特登喺facebook度熱烈歡迎，仲話「大師兄歸位」、 「係愛呀哈利」，幅合照仲見到區諾軒同其他人笑口噬噬，睇落無因為佢退黨而有所隔膜。
劉正質疑接管「眾志」
之前同區諾軒駁火嘅中大「獨」講師劉正，又邊會執輸吖，喺岍氶u無神論者的巴別塔」話：「退乜×嘢黨啫，根本就係民主黨接管『眾廁』（『中箭』）黨產嘅執達吏，過多一兩屆榨乾榨盡『眾廁』剩餘價值，咪重新『歸位』民主黨再搏（博）多次做主席囉。當然，𠵱家最緊要都係個個月袋九萬六去日本旅行重要啲，問我點解唔開會？恐嚇你吖嗱！」
喺「3．11」補選之後，燒過基本法嘅區諾軒一度乞求政府同建制派「高抬貴手」，唔好JR（司法覆核）佢當選嘅結果。
facebook專頁「狙擊政棍小隊」（無錯，又係佢哋）拎返呢樣嘢嚟鞭屍：「『大師兄』身段之柔軟，又的確幾值得班乳鴿學習嘅，求建制派高抬貴手都得啦，『歸位』又有幾出奇呢？」
被譏教去旅行玩「關鍵缺席」
「Kristy Hayin Wong」問到區諾軒「係咪教人點樣買平機票去日本旅行」，擺明寸佢上次立法會審議元朗17億元天橋撥款時「關鍵缺席」。
「狙擊政棍小隊」亦寸佢：「可能仲有教班鴿當俾人質問唔開會嗰陣，點鬧網民轉移視線。」 ■香港文匯報記者 鄭治祖