■快必鬧人「揸一世的士」，「狙擊政棍小隊」反問有乜問題，「做政棍先叫高尚？」 fb截圖立法會九龍西補選候選人李卓人日前譴責另一候選人曾麗文喺妘y勢活動度踩場、破壞嘅行為，又睇吓�嗰邊嘅人做咗啲咩？幫李卓人拉票嘅「人民力量」「快必」譚得志，繼之前出口侮辱陳凱欣團隊嘅女性「仲有冇大姨媽」後，日前佢拉票嘅時候，又疑似因為有的士大哥講咗兩句唔同意見，竟然寸人「揸一世的士」。
有花生友問返佢揸的士有乜問題，係咪要學佢選極都選唔到、一路拎「政治綜援」先至夠高尚，有人就覺得佢其實係「間諜」幫緊李卓人倒米。雖然快必講嘢非常過分，但李卓人至今就冇公開譴責過佢囉。
日前有條片喺網上廣傳，顯示快必喺紅磡黃埔開街站，周圍擺晒印有李卓人嘜頭嘅直幡同易拉架。當快必提到如果今次補選選返反對派入立法會時，就會喺直選議席數目同建制派打成17平手，突然有把聲音講咗幾粒字出嚟，但由於太嘈所以唔係太清楚，然後就有架的士駛走咗。
鬧人「抵你揸一世的士」
快必之後就對住架的士爆咗句：「掟死我啦，整個土製菠蘿，的士佬，所以話你吖，抵你揸一世的士啦，戇居㗎你都！」
嘩，咁樣講嘢法嘅？「無敵神駒」仇思達噚日出po（帖文）片快必，話佢唔用論點反駁返個的士大哥，竟然出言侮辱對方，賤視、侮辱對方嘅職業，簡直令人瞠目結舌。有網民溫提神駒話架的士好快駛走咗，佢就覺得其實快必大可以拎住的士大哥嘅觀點慢慢反駁，「由於譚得志係揸住支咪，其實佢係有足夠時間論點對駁，因為佢宣傳嘅對象唔係的士司機，而係喺條街嘅市民。」
有網民覺得快必其實係「間諜」。「Carlos Cheong」話：「其實快必係『身在黎（壹傳媒黎智英）營心在基』，好明顯佢係幫緊馮檢基拉票。」「Mui Ying Ling Allard」反問快必究竟係幫李卓人「×票」定拉票，「Willy Chan」就認為「人力」先係真「焦土派」，日日幫李卓人倒米。
網友譏好過拎「政治綜援」
facebook專頁「狙擊政棍小隊」亦都反問揸的士有乜問題、有乜好歧視，「做政棍先叫高尚？不知所謂！」（上圖）自爆係外賣員嘅「Vicky To」話，自己喺人哋嘅角度都係做「低端職業」，「如果揸的士係『低端』，阿快（快必）應該×咗我先。」
「Jason Cheung」安慰返佢：「起碼可敬過譚得志選極選唔到，靠拎『政治綜援』。」 ■香港文匯報記者 陳庭佳