■李卓人助選團霸道佔街，聲大大阻檔販售賣。說好的幫工人、幫小販呢？成日口口聲聲話幫工人爭取權益嘅李卓人，佢個助選團噚日竟然走到小販檔前趕客，認為對方阻住佢哋宣傳咁話。噚日網上瘋傳一段短片，有市民排緊隊買炒街邊嘅栗子時，一個拎住「3號李卓人」個黃牌嘅阿姐，就不斷對住佢哋係咁嘈，有市民都想勸吓呢位阿姐，但個阿姐依然激動，搞到原本一直冇理佢、排緊隊嘅四眼哥哥都忍唔住鬧︰「你唔好嘈啦！我買嘢食咋！」話晒都係劉小麗嘅「Plan B」，而劉小麗成日扮晒要「幫小販」，李卓人班助選團咁搞法，真係唔識做嘞。
李卓人嗰班助選團，噚日除喺黃埔滋擾陳凱欣團隊，仲喺黃埔街頭嘅小販檔前趕客（𠻹）。有街坊話，嗰個小販姨姨已經喺區內臍氻Q幾年，原本都風平浪靜，點知噚日立法會九龍西補選投票日，咁就遇到李卓人班助選團。
霸道搶地盤 吱喳嗌口號
雖然個拎住「3號李卓人」個黃牌嘅阿姐一直喺度吱吱喳喳，但小販姨姨同排隊買嘢嘅街坊都冇理佢，但個阿姐就死不罷休，飲啖水又繼續講，段短片入面大概聽到佢話「申請咗繕饈腹v，似乎係嫌擺咗檔十幾年嘅小販阻住佢哋拉票咁話。
市民發火：你唔好嘈！
有個路過嘅阿伯都想出言相勸一下，但個阿姐繼續指手畫腳咁講，搞到原本淡定排隊嘅四眼哥哥都忍唔住鬧︰「你唔好嘈啦！我買嘢食咋！」佢先行開兩步向其他人繼續鬧。
唔少網民都讚四眼哥哥好嘢，兼睇唔過眼李卓人個助選團咁鬼惡，「Eric Choi」質問道︰「人地（哋）落雨搵食都要被你趕？真係好自由喎！」「Yiu Chung Yeung」就話︰「咦，劉小麗倡議助小販，為何現在又欺凌小販呢！」「Alexander Chan」揶揄︰「當日小麗老千借假小販上位，今日小麗Plan B趕真小販搵食。」「Godfrey Cheung」都忍唔住慨嘆︰「豬一般助選。」 ■香港文匯報記者 甘瑜