■左起：香港開電視外事部總經理譚雪儀、節目策劃總監劉佩貞、外事部顧問曾醒明與陳慧珊夫婦合照。香港文匯報訊（記者 植毅儀）香港開電視明年將播出由陳慧珊(Flora)主持及製作的節目《放學後》，節目中由Flora訪問星級嘉賓，昨日特舉行記者會介紹節目構思及詳情，出席包括Flora同老公鍾家鴻（Mike）、外事部總經理譚雪儀、節目策劃總監劉佩貞及外事部顧問曾醒明等。
陳慧珊透露節目將有16集，整個節目構思了2年，當初決定做呢個project，係有兩個轉變位。首先11年前自己做了媽媽，因為比較年齡大才生個女，覺得有些事，如果唔去盡量做好些，就唔會識得教女。第二個轉變位，是自己2012年入港大讀MASTER，目前仍修讀博士學位課程。在寫論文去接觸中，發現大家好多壓力，更去跳樓，所以自己好想深入了解咩叫教育同大家的壓力，同埋人生唔係剩係自己，為人先開心。說到見到跳樓新聞，Flora更激動落淚。
陳慧珊說：「我女現在已經上中學，佢5歲就已經拎住iPad做功課，我當時都唔識用，佢仲叻過我，死啦，我會脫節，於是我去進修，讀碩士學位。跟住寫論文，好多教授、家長同學生對我好信任，會同我講好多心事，同我分享壓力。後來好多人叫我去學校講Talk，我想過做個節目，深入了解咩叫教育同大家壓力，同埋人生唔係剩係自己，為人先開心。」
陪家長分擔壓力
會訪問15位由50年代至90年代的人，當中包括有宣萱、吳鎮宇、胡杏兒、曾俊華、嚴浩、楊采妮等等，Flora說：「我第一個搵係宣萱，佢係我好朋友，我知佢一定會支持我，她在英國讀書，佢會感染到佢呢一班的人。之後我搵鎮宇，佢由訓練班直至做咗爸爸，大家都見到他的轉變，佢亦都可以感染到佢嗰個年代的人，當時佢拍緊《逆流大叔》，佢即刻過來搵我，每次開會去鎮宇家，都見到佢一家人嘅相處。第3個搵嘅就係當時仲大肚的胡杏兒，所以過程幾漫長。」Flora今日將同老公一齊出發去美國，走訪曾俊華在美國的學校。