唔請反對派，班人又覺得自己不被重視；請佢，佢又話唔想「風花雪月」。唔少網民見到呢班食個飯都要斤斤計較嘅反對派議員，都忍唔住鬧爆佢哋連溝通都拒絕，到底點樣為市民做有建設性嘅事。有網民亦話如果話「風花雪月」就唔去，呢班議員真係千祈唔好再去任何宴會𠻹啊。
反對派班人為咗要做騷話唔去中聯辦個團拜活動，不惜抬出一堆懶晒高大上嘅理由，好似公民黨個戇橋（楊岳橋）就話「風花雪月冇意義」；工黨「假難民之父」張超雄就話冇必要去同中聯辦「嘻嘻哈哈」；「民主派會議」召集人毛婆（毛孟靜）仲誇張，話入中聯辦係「罪名」𠻹。
「政治需要埋枱講數」
佢哋咁都講得出，雖然有佢哋自己嗰班支持者撐場，但好多網民都唔受呢一套，認為始終都要有溝通。「Sze Hung Chan」話︰「政治有時好現實，要埋台（枱）傾偈講數，不溝通，會有作為？與其坐以待斃，倒不如用其他溝通的方法，找出一個雙方都認同的價值觀點，凡事都反對，事事都有陰謀論，此等政黨難有長久的發展。」「Kwok Yiu Leung」亦表示︰「他們真是作繭自縛嘅低級政棍，選他們的市民真要想想，這樣如此沒有政治能力，連溝通都懶得做的人，如何為你們做點有建設性嘅事。」
更多網民似乎覺得同反對派講道理都嘥氣，寧願花式寸吓�哋。先睇下針對戇橋嘅留言。「Ng Alex」話︰「所有宴會、團拜都是風花雪月，楊生千萬不要去任何宴會。」「Fong Kwun Shing」反問︰「咁去英美屈香港無自由又成日去？」「Joyce Chan」就話︰「市民都看不到公民黨對香港市民真正福址（祉）有什麼誠意！」
「Janny Chan」就針對毛婆嘅「入中聯辦係一種罪名」話︰「你已經係一個罪人啦。」「Alex Wu」指出︰「民主黨又不是沒入過。」「Judy Ho」附和毛婆︰「冇講錯呀！點同老細（闆）交代。」「James Poon」講得再白啲︰「是的，金主講明輕則扣人工，重則炒尤（魷）！」
張超雄都有份，唔少網民都順住佢句唔同中聯辦「嘻嘻哈哈」去寸佢，最經典嘅係「Joseph Li」嘅留言︰「對！對！張超雄只需要跟假難民嘻嘻哈哈就夠了！」
仲有啲對成個反對派嘅無差別批評。「Mei Wong」就諗起上次佢哋約唔到特首林鄭月娥就嘈單嘢話︰「唔請佢地（哋）又話打壓睇底（低）『泛民』，請又牙（阿）支呀（阿）左，又驚有入冇出，好心喇。」「Azh Deng」就質疑班人幾時變到咁嚴肅︰「咁係（喺）好實務又嚴謹的立法會大會上所見到的語無論（倫）次，大吵大鬧，或其他亂象又如何理解？！」「Gunboon Tsoi」亦話︰「乜『泛民』有認真和中央官員傾談過咩？每次都係舉吓牌，叫幾句口號，就集體撇咗！」 ■香港文匯報記者 甘瑜