■胡子彤香港文匯報訊 由棒球員變成演員身份的胡子彤，近年除了在幕前看到他的作品外，子彤在2019年決定涉獵埋飲食界，夥拍哥哥及已故化妝大師陳文輝的孫兒Gary Chan，榮升做鐵板燒店的老闆，更在新春期間開幕，一家人與女朋友歐鎧淳，及圈中好友吳肇軒、談善言、柯煒林、陳宇琛等也現身支持！
問到子彤為何會有投資開餐廳，他就：「其實我同好多90後一樣，我不懂理財，但也有想買樓上車、畀家用、儲老婆本的需要；而今次有份一齊投資的拍檔，是去年拍電影《明日戰記》時認識的特技化妝師，佢同我講了很多投資、未來的事情，大家覺得好啱傾，而當佢打算開這間鐵板燒時又真係預埋我......我心目中的諗法係，與其有錢時我又會亂洗，不如當投資機會！」
親手整情人節禮物
當子彤聽到拍檔是投資餐廳，即時感到很大興趣，「主要係自己都好鍾意食，平時同班朋友都鍾意食肉、燒烤類同埋飲下酒；雖然自己未必可以投放到好多時間在餐廳幫忙，但我會不斷推介畀朋友，叫大家約食嚟呢度！哈哈！」榮升做餐廳老闆，會否經常帶女朋友歐鎧淳來撐枱腳？子彤笑言：「都會㗎！生日、情人節、乜乜紀念日都係喺度食，我諗女朋友唔介意嘅！哈哈，講笑啫！好似今年情人節，除咗食飯，我都送咗份親手整嘅禮物畀佢，好在女朋友都表示滿意！」