何超蓮香港文匯報訊（記者 梁靜儀）何超蓮日前上載露背浸温泉相到社交網站，事後她自爆被媽咪鬧，昨日她以黑色低胸打扮到中環出席化妝品牌活動，問到可會又被媽咪鬧？她笑說：「呢身黑色係型格打扮，好小事，唔低（胸），今日遮住晒，要女人味，（事前要畀媽咪過目？） 好多衫都同媽咪交換着。」
前日是超蓮胞姐超雲生日，問到如何慶祝？超蓮笑說：「好好笑，家姐話要一隻烚蛋 ，但媽咪唔識整。」她又大爆超雲已收到很多花，屋企都變成了花海，問到她送什麼禮物給姐姐？她坦言還未送，看看她想要什麼禮物。問到花束是否追求者所送？超蓮就賣關子說：「唔知係唔係男仔送，你問返佢，佢咁靚女應該有，佢追求者眾， 但佢冇同我傾感情事。」她又大讚家姐好有勇氣，在社交網寫上自己三十歲，換了是她就不敢了，她會寫少十年，現在她都不想講真實年紀。
說到可知超雲三十歲有什麼生日願望？ 超蓮表示 都是工作行先，跟她一樣， 跟自己差不多都不是向結婚方向，而且家姐都唔心急。 問到為何超雲近年變得深閨？她說：「我諗每個年紀都唔同，可能佢覺得舒服啲， 家姐性格比較文靜， 似媽咪 ，自己就嘈啲，似爹哋，（祝福家姐搵到真命天子？） 睇緣分，我都未搵到，佢都唔憂趕住嫁，佢望落似廿頭，現在都冇話廿九加一就要結婚，呢個年代大家都遲婚。」