香港文匯報訊（記者 梁靜儀）惠英紅（小紅姐）與陳豪昨晚到灣仔出席國際珠寶系列晚宴。小紅姐表示已準備了戰衣出席亞洲電影大獎頒獎禮，問到戰衣是否會很性感？小紅姐笑說:「我性感得去邊呀？我凸出嚟都冇人睇啦，唔好同後生女去搶，後生女應該show多啲嘢，我哋唔使啦，（性感由她們去爭，獎就留返畀自己？）唔係，莊重少少，合乎返自己年紀，我後生都試過性感，畀人試吓。」
2千萬保育輝煌紀念值得做
說到不少美魔女都上載泳照，小紅姐自爆都有不少泳裝相，去年旅行時都有着比基尼影相：「如果我再攞到獎就派福利，咁我就派比基尼啦，都仲得嘅，咁啱細佬呢排學攝影，仲買咗件桃紅色，好少布的比基尼畀我。」
保養得宜的小紅姐表示平日不用開工就會游水，因不想傷到膝蓋，日前去北京補戲拍一場要跪低的戲時不慎傷了膝蓋，要睇很多次醫生，到現在還痛。
提到財爺陳茂波於財政預算案宣佈會向電影發展基金注資10億元，並把電影製作融資計劃的製作預算上限提高，小紅姐開心說：「好呀，我出道頭十年，係香港電影最蓬勃，試過一年香港的產量係四百幾套，現在雖然好多合拍片，但總體香港本地都唔夠廿套，香港係東方荷里活，其實我覺得政府應該出少少力去令行業輝煌返，始終香港唔係一個大的地方，如政府肯資助娛樂事業，收益會大好多。」
另香港電影資料館獲撥款二千萬元，增聘技術人員及添置器材，將急須保存的電影孤本和電影菲林數碼化，讓下一代有機會認識和欣賞珍貴的香港電影文化遺產，她認為是值得去做的：「邵氏有五十套我的電影賣畀天映，係已修復好的，咁我至可以收藏返自己啲作品， 自己都好想買回經典電影《黃梅調》、《虞美人》，如真的有撥款就可以修復，否則底片很易會爛同會花，二千萬對於保育返輝煌年代的紀念，唔係大數目，係值得做。」