噚日立法會《國歌條例草案》委員會會議上，民主黨許智峯被主席要求離開會議室，但佢就賴死唔走，仲化身「軟皮蛇」等保安抬佢，點知保安抬佢離場嗰刻，許智峯又係咁掙扎，仲疑似「批踭」整傷保安。事後許智峯就反咬保安「用過度武力」，話係對方「故意拗佢右手腕」喎，要求對方交代咁話。明明睇片保安只係拎起佢隻手咋喎，唔係咁矜貴啩？唔少網民都唔信呢個曾經搶女人手機嘅歹徒，留言狠批佢扮受傷濫用緊急服務，自己搞事唔反省、唔交代，掙扎整親人仲要問點解人哋「提升武力」，真係無恥咁話。
網議政事：屈保安拗手腕 濫用緊急服務
2019-03-19
新聞排行
圖集
視頻