■范國威偷窺會議情況。 何俊賢fb圖片其他反對派議員借許智峯被抬走一刻發難，離開會議廳試圖製造流會。民建聯議員何俊賢，就在fb上載一張「議會陣線」議員范國威在會議廳門外鬼鬼祟祟窺探會議情況的照片，並批評此等人的所作所為，完全是在浪費議會時間來做騷，更希望選民在未來選舉時要戴眼識人。
反對派講唔過人，就拉布搞流會已經係常識，但為咗證明自己「有做嘢」，就成日用埋啲小學雞嘅做法，真係人唔笑狗都吠啦。何俊賢昨日就喺反對派走出會議廳後，喺fb上載了一張范國威離開後喺門外鬼祟窺探嘅照片。
何俊賢喺帖度話：「反對派在國歌法法案委員會中點算法定人數，想搞流會阻礙立法，范國威在門外不進來，仲鬼鬼祟祟在門外偷窺，你話賤唔賤格。大家各自評論呢種議員行為吧，可惜浪費了我的時間、議會的時間。」
佢會後亦向香港文匯報表示，「保安人員『搬』走許智峯，反對派議員齊齊離場後，我看到范國威在門外『鬼鬼祟祟』地徘徊，不返回會議廳，這表示他們根本不想履行議員責任，故意『流會』，相信在電視機前的市民們可以對其行徑做出公正評價，認真考慮下一屆選舉是否要繼續為反對派投票。」
唔少網民睇完後，都恥笑范國威等反對派議員「中二病發」。
「Dicky Choi」批評范國威的小動作：「要反對就堂堂正正反對。正小人！」「Chan Wing Kin」亦道：「以為咁就可以阻止立法？只係再多一次表現衰格！」「Alan Yu」就話：「呢個飯桶，幸獲補選後，仍不知自愛，專愛搞事，不務正業，愧對市民，浪費選民厚愛！」
唔少網民則對反對派經常借故「提早收工」感到不滿。「Susan Wong」就質問：「（議員）每月收政府成十萬銀做啲咁嘅嘢？！......議員唔做嘢，可唔可以扣佢人工或出警告信？」「Shiutunlee Lee」則道：「請病假要有醫生假紙，請事假扣薪金，遲到收警告信，擴（曠）工即炒，合情合理，做工要有規矩。」
■香港文匯報記者 陳川、鄭治祖