包括「佔中三丑」戴耀廷、陳健民、朱耀明等9男女被控「串謀作出公眾妨擾」一案將於下周二（9日）裁決，有天主教組織日前假借上帝之名，發起聲援9人的所謂「苦行」，更將9人喻為釘十字架的「耶穌」。有網民狠批，反對派中的教徒，騎劫宗教之名，試圖欺騙世人，目的不過係唔想找數，所謂「違法達義」，都只不過係因應自己嘅政治利益而隨意搬嘅龍門。
天主教正義和平委員會日前同幾個「宗教團體」舉行集會及遊行，聲援「佔中」九男女，「佔中三丑」同即將接受裁決嘅公民黨立法會議員陳淑莊、學聯前常委張秀賢當然有到場，「禍港四人幫」嘅天主教香港教區前主教陳日君、民主黨創黨主席李柱銘等亦有參與。
一班人手持「釋放政治犯」、「民眾自發」、「無罪釋放」等標語，由銅鑼灣東角道出發，沿軒尼詩道步行至政府總部。警方指，高峰期有290人參與。
戴耀廷在集會後稱，已有心理準備或會入獄，會「坦然」面對裁決，但聲言控方以「煽惑他人作出公眾妨擾」作控罪「並不恰當」，一旦罪成他們一會上訴，更稱自己一定會「繼續砌」。
網民斥「三丑」厚顏無恥
唔少網民就大鬧「三丑」厚顏無恥。「Joseph Li」說：「有片有真相，你地（哋）『佔中』三子曾經係（喺）電視鏡頭前誓神劈願話係（喺）法庭會認罪唔抗辯，唔怕去坐監。全香港市民都睇到，使唔使回片俾你三條友再睇多一次條片呀？ E+（𠵱）想走數呀？? 你地（哋）有無再無耻d（啲）呀？」
「Vincent Lau」亦狠批：「又話違法達義，又話無畏無懼，依家又講定要上訴，你對得住要坐監班黃絲咩？」「Kw Yeung」也質問：「乜唔係違法達義呀，當初口響響，依家龜縮縮。」「Derek H C Leung」亦狠批：「違法達義？法你哋就違L咗喇！達到乜L嘢義呀？！無畏無懼？咁你哋又唔認罪？」「Chi-wah Kwan」也道：「又話自首、認罪、為民主犧牲？！幾十歲人都仲咁廢！」
批「禍港四人幫」向法院施壓
有人就狠批以陳日君為首的「禍港四人幫」，假借宗教之名向法院施壓。「Ming Tong」道：「利用宗教達其目的最可恥！」「Allen Lin」揶揄：「都話神父牧師多猥瑣，搞完兒童搞政治。」
「Lam Hon」就話：「末日將至假先知假信（基）督去冒騙世人，假信徒並沒有基督精神去為世人去為港人！戴庭耀（戴耀廷）更勾結『台獨』，『彊（疆）獨』『藏獨』等破壞社會！」 ■香港文匯報記者 陳川