■古巨基說到為事業忽略家人感觸落淚。香港文匯報訊（記者 李梁靜儀）《古巨基-WE世界巡迴演唱會香港站PART2》第三場已於前晚順利舉行，台上基仔提到因工作而少關心父母時，一時感觸落淚。前晚出席捧場的有英皇主席楊受成夫婦、衛詩雅同媽媽、關智斌、麥亨利、樂小姐同囝囝，以及黃賢誌及基仔的父母等。完騷後基仔到後台與英皇老闆楊受成、總監霍汶希及演唱會幕後團隊開香檳預祝第四場演出成功！
演唱會有不同環節，在親情環節，基仔唱到《愛得太遲》時，熒幕播出基仔與家人的對話，其中提到他曾因工作忙碌很久沒跟家人食餐飯，只能用電話聯絡，基仔眼紅紅說：「媽咪每次打畀我第一句會問：『巨基，工作開心順利嗎？』爸爸打畀我都係關心工作，話聽到我把聲知我好忙，佢就可以安心去瞓。」說罷即忍不住淚灑當場。
呼籲大家多關心父母
基仔指每場唱完《愛得太遲》都會講相同說話，目的是希望大家多打電話關心問候父母，其實父母需要的好簡單，只希望聽到你把聲。但前晚他因為想起爸爸在電話筒講的說話，說想聽到他把聲才安心去瞓，就比較感觸，眼淺落淚。只要他有演唱會、演出，父母都會去捧場，如果是電視節目父母就問幾時播映，然後等着收看。
第三場的表演嘉賓是方力申(小方)、側田、小肥及六號等出場，小方表示他們十二年沒同台演出，這次同台回憶都返來了，基仔說：「我哋之前喺電視節目重組，但唔齊人，07年我演唱會有搵佢哋做我嘉賓。」之後大熒幕又播出當年的合照，他們擺回當年甫士再合照，又稱希望十多廿年後可以再影一張年老版本。側田兩個月後也開個唱，基仔刻意畀機會他打廣告。全場反應熱烈。
開香檳預祝演出成功
完騷後基仔到後台開香檳預祝第四場演出成功。受訪時他表示每場演出體力消耗很大，因為歌衫很重，出場第一套水晶衫就已重80kg：「套水晶衫上面有二萬粒水晶石，着咗上身就好似陷入泥濘咁沉咗落去，拎唔起隻腳，好似孭住個青少年唱歌、跳舞，最後一套波鞋衫都係，因為靚，所以重都要着，其實水晶衫嗰套可以用其他石，但一係唔閃、一係重，我哋揀咗重，比起Part One要更大體力去支持。」 基仔又笑指每次完騷後都似打完仗，第二晚完騷後因腰傷舊患隱隱痛，為防萬一就請醫師上門按摩、順肌腱。問到為何不叫老婆按摩？他說:「佢唔識按摩，平時都係我幫佢按！佢都有問我點解識，我有時去按摩都會感受吓個按摩師按咩位，可能同平時少運動有關。」