■黃秋生、姬素•孔尚治、葉童、李璨琛、黃定謙、導演陳小娟等，出席電影《淪落人》慈善首映活動。香港文匯報訊（記者 梁靜儀）黃秋生、姬素．孔尚治、葉童、李璨琛、黃定謙、導演陳小娟及監製陳果等，前晚到圓方出席電影《淪落人》慈善首映活動。秋生憑此片入圍角逐金像獎「最佳男主角」，問到是否已準備好戰衣出席頒獎禮？他笑言：「準備就準備了，如果出席都要着衫，我又唔係拍三級片，又唔係《三夫》。（已決定會出席？）機會都幾大，之前都諗出唔出席，但朋友叫我唔好咁幼稚，但我驚又惹是非，與其講嘢要就住就住，咁不如唔去，唔去就唔使講。得到大家畀面和愛護，咁受觀眾歡迎，就去啦。」對於被睇好很大機會得獎，最佳男主角非他莫屬？秋生謙虛地說：「我都有壓力，但唔係來自獎項， 獎亦唔係非我莫屬，個個都有可能，鎮宇同發哥都大機會，而且唔知現在評審的方向。」問到《淪》片可有帶挈他多了工作機會？秋生坦言沒有。
李璨琛憑《淪落人》角逐金像獎最佳男配角，對於得獎信心，他表示抱平常心，並大讚其他對手說：「個個都幾好，睇晒其他對手的戲，黃德斌同袁富華畀我好唔同以前的感覺，潘燦良舞台劇出身，幾幽默，各有特色，智叔就唔使講啦，我信心一半半，盡量投入當係去party見朋友。」